Njoammuduvvon v. 41: 5
Erremis sotnabeaivvi golggotmánu 16.b.rájes: 4
Eai leat ođđa njoammundilálašvuođat disdaga golggotmánu 12.b.rájes
Čoahkkáigessojuvvon leat maŋimus 2-3 vahku leat guokte parallealla njoammuma Gáivuonas.
Sáhttá čatnat máŋga njoammundilálašvuođa guokte sierra lágidemiide. Leat dušše duođaštuvvon ođđa njoammumat gullevaš dállodoaluin ja eará lagasoktavuođain.
Ollu olbmot leat iskojuvvon ja dán vuođul sáhttá dadjat ahte njoammun ii leat beassan leavvat. Seammás ferte muitit ahte oallugin lea dábálaš čakčanuorvu ja maiddai vuoiŋŋahatvuolšši dávdamearkkat.
Deháleamos gustojeaddji rávvagat lea ahte galggašii doalahit leat ruovttus jus leat vuoiŋŋahatvuolšši dávdamearkkat vai earát eai njoammuduvvo. Soaitá leamen korona
Galggašii goit váldit jođánis iskosa juogu ruovttus dahje dearvvasvuođasiiddas jus leat makkárge dávdamearkkat nugo čottabávččas, gosahat, feber jna.
Ustitlaš dearvvuođat
Anita Monsen Pedersen
Gáivuona suohkana váldodoavttir
