Odne duorastaga rájes, de leat 10 olbmos duođaštuvvon koronavirus Gáivuonas, sii leat dál isolašuvnnas. Oallugat vurdet vel iskojuvvot.
Sáhttá čatnat njoammumiid guovtti iešguđetlágan, ja maiddai guovtti ovttaskas dilálašvuođaide. Okta dilálašvuohta čadnojuvvo nu go ovdalis almmuhuvvon Dálusvákki skuvlii. Nuppi dilálašvuođa sáhttá fas čatnat oktii sosiála lágideapmái masa rávisolbmot leat searvan. Leat guorran dan guokte ovttaskas dilálašvuođa, ja dihtet gos njoammun boahtá ja ahte boahtá suohkana olggobealde.
Dán golbma dilálašvuođa ii sáhte čatnat oktii.
Servodat lea ráhppojuvvon, muhto dearvvašvuođaeiseválddiin leat čielga rávvagat orruide. Jus buohkat čuvvot dáid rávvagiid, de njoammun ii beasa leavvat. Našuvnnalaččat oaidná ahte njoammunlogut lassánit.
Bivddán orruid čuovvut gustojeaddji rávvagiid:
- boahkuhuvvo! De it buohccá duođalaččat koronavirusa geažil.
-ale mana gosage jus leat buohcci!
Jus leat buohcci, de sáhttet earát njoammuduvvot. Váldde ovddasvástádusa! Don it dieđe lea go dus korona vai ii ovdal go leat iskojuvvon. Leage nu buorre ahte válddát iskosa! Ale searvva sosiála lágidemiide, ale mana bargui, skuvlii, mánáidgárdái, itge guossái jus leat buohcci.
-leage dárkil gossan- ja giehtabuhtisvuođain. Dáinna lágiin eastadat iežat ja maiddai earáid buohccát beroškeahttá makkár virusii dahje bakterii leat guoskan.
Jus orrut čuvvot dáid rávvagiid, de nagodit eastadit ii dušše covid-19 njoammuma, muhto visot virusiid dálvvi čađa.
Go dát lea dáddjojuvvon, de leat olu orrut geat ballet koronavirusis, ja oallugat háliidit diehtit sáhttet go searvat lágidemiide ja mannat skuvlii ja bargui.
Muhto, jus leat dearvvaš ja eai leat makkárge dávdamearkkat, de sáhtát mannat bargui ja skuvlii. Dát gusto vaikko soapmásis dállodoalus lea duođaštuvvon njoammun.
Sáhtát searvat sosiálalaččat ja maiddai lágidemiide, sáhtát maiddai mannat skuvlii.
Jus lea alla njoammundeaddu guhkes áiggis, de soaitá fertet bidjat johtui báikkálaš doaibmabijuid. Dát boahtá gáržžidit olbmuid árgabeaieallima. Bajábeal rávvagat galget leat muittuhussan dála gustojeaddji rávvagiidda, vai báikkálaš (dahje našunála) doaibmabijut eai šatta áigeguovdilat šat.
Suohkan lea dál geargan organiserejuvvon influeanssaboahkuhemiin, nu ahte lea vejolaš álgit boahkuhit sin badjel 65 jagi ja maiddai sin geain lea hedjonan vuostálastinnákca dávddaid vuostá goalmmát dosain koronavirusa vuostá.
Dás dieđihat iežat elektrovnnalaččat https://timebestilling.remin.no
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
