Dán rádjai leat 18 duođaštuvvon njoammuduvvon Gáivuonas maŋimus 6 beaivvi. Buohkat leat isolašuvnnas. Lea stuora lohku ja njoammun lea leavvan 3 dilálašvuođaid geažil. Dán rádjai ii vel oainne ollislaš gova, muhto bargojuvvo dáinna.
Mii diehtit maid ahte olbmot leat čeahpit váldit iskosiid ruovttuin ja dát lea buorre. Ii leat sihkar ahte buot ruovttuiskosat leat vel registrerejuvvon.
Dán rádjai eai leat makkár ge formála doaibmabijut suohkanis, muhto čujuhit ivttá čállosii mas ledje čuovvovaš rávvagat:
- Ale mana gosage jus leat buohcci
- Leage dárkil giehta- ja gossanbuhtisvuođain
- Boahkuhuvvo jus it leat vel dahkan dan, dahje leat joavkkus geasa goalmmát dosa fállojuvvo.
Disdaga skábmamánu 9 beaivvi lea čoahkkin gearggusvuođajođiheamis, dalle diehtá eanet mot njoammumat ovddiduvvojit. Dalle bohtet formála rávvagat mat gustojit suohkanis. Go dilli lea nu mot lea dál, de vurdojuvvo ahte vel eai boađe ovdan mearrádusat vuođđuduvvon láhkaásahusain.
Dieđut boahkuheami birra:
Buohkain lea vejolašvuohta diŋgot diimmu boahkuheapmái dán liŋká bokte https://timebestilling.remin.no
- Fállojuvvo boahkuheapmi buohkaide badjel 12 jagi. Jus leat gaskkal 12 ja 16 jagi, de fállojuvvo okta dosa dutnje, earáide fállojuvvojit 2 dosa. Jus it leat vel boahkuhuvvon, de rávvejuvvo ahte diŋgot diimmu boahkuheapmái.
- Buohkaide badjel 65 jagi fállojuvvo 3. Dosa. Galgá leat mannan unnimusat 6 mánu dan rájes go boahkohuvvojit 2. dosain.
- Buohkaide geain lea vuoliduvvon dávddaid vuostálastinávccat fállojuvvo 3. dosa. Galgá leat mannan unnimusat 4 vahku dan rájes go boahkohuvvojit 2. dosain.
- Buot dearvvasvuođabargiide fállojuvvo 3. dosa. Galgá leat mannan unnimusat 6 mánu dan rájes go boahkohuvvojit 2. dosain.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
