Vahku 46 leat duođaštuvvon 4 ođđa njoammundilálašvuođa, dát duođaštuvvojedje mánnodaga skábmamánu 15.b.2021. Eai leat muđui duođaštuvvon ođđa dilálašvuođa.
Dál rehkenastojuvvo ahte leat nagodan bissehit njoammuma Gáivuonas
Čoahkkáigessojuvvon logut maŋimus vahkuid leat ná:
Vahkku 43 1
Vahkku 44 23
Vahkku 45 18
Vahkku 46 4
Go nagodit bissehit njoammuma, de mearkkaša ahte olbmot dállodoaluin ja sin lagasoktavuođat bissot isolašuvnnas ja addit dieđu earáide jus leat njoammuduvvon. Lagasoktavuođat leat maid čeahpit váldit iskosa. Háliidan rámidit buohkaid go leat nu čeahpit.
Dál lea boahtán láhkamearrádus mas čuočču ahte buot orrut badjel 18 jagi geat eai leat boahkuhuvvon, galget váldit iskosa jus duođaštuvvo njoammun dállodoaluin. Rávvejuvvo maid ahte sii geat leat boahkuhuvvon ja maiddai mánát váldet iskosa jus njoammun duođaštuvvo. Suohkan juohká ruovttoiskosiid jus njoammun duođaštuvvo dállodoaluin. Váldde oktavuođa doavtterkantuvrrain jus dárbbašat dákkáriid.
Dál sáhttá lohkat ahte ii leat šat njoammun Gáivuonas ja servodat lea ain rabas, ja galgá bissut nu. Dát mearkkaša ahte soitet duođaštuvvot ođđa njoammudilálašvuođat. Dát lea oassin ain rahppojuvvon servodagas mas galget eallit dábálaš eallima, muhto mas maid lea aliduvvon gearggusvuohta.
Njoammundilálašvuohta muđui regiovnnas lea duođaleabbo, ja ollu suohkaniin Romssas ja Finnmárkkus leavvá njoammun. Dát dagaha ahte šaddá alibut deaddu dearvvašvuođabálvalusas ja buohcciviesus suohkaniid siskkobealde. Go lea sáhka regionála rávvagiid birra, de digaštallojuvvo ahte galget go suohkanat ovttasbargat dáigguin. Suohkanat mas lea alla njoammundeaddu sáhttet maid lága mielde ásahit báikkálaš láhkanjuolggadusaid.
Suohkan almmuha dađistaga makkár rávvagat bohtet leat gustovaččat ovddasguvlui.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
