Njoammunstáhtus Gáivuonas juovllaid maŋŋá

Hei fas juovllaid ja ođđajagiruohta maŋŋá.

Maŋimus vahku leat duođaštuvvon golbma ođđa njoammundilálašvuođa. Guovtti dilálašvuođa sáhttá čatnat oktii ja lea oahpes njoammunbálggis eará suohkanis. Dás ii leat riska ahte earát min suohkanis njoammuduvvojit.

Goalmmát dilálašvuođas ii leat oahpes njoammunbálggis, muhto njoammun soaitá boahtán eará suohkanis. Son gii lea njoammuduvvon lea ieš addán dieđu lagasoktavuođaide.

Maŋimus vahku leat hui unnán olbmot váldán iskosa ja dan dihte eat vel dieđe leat go olbmot njoammuduvvon. Dál leat oallugat iskojuvvon maŋŋel vahkkoloahppa ja dát lea buorre. Dalle lea álkibut doallat kontrolla njoammumis.

Lea rávvejuvvon ahte mánát ja nuorat vuođđoskuvllain ja joatkkaskuvllain váldet iskosa ovdal go skuvllat álget fas, dát gusto maiddai bargiide skuvllain ja mánáidgárddiin. Doavttirkantuvra lea dan dihte juohkán jođániskosiid skuvllaide ja mánáidgárddiide.

Eai leat boahtán dieđut njoammuma birra dakkár iskosiid maŋŋá.

Go mis dál lea njoammun mas ii leat oahpes njoammunbálggis ja nu unnán olbmot leat iskojuvvon maŋimus vahku, de lea beare árrat dadjat ahte mis lea kontrolla njoammumis. Muhto eat ge sáhte dadjat ahte ii leat kontrolla njoammumis.

Dan dihte dárbbašit eanet beivviid vai nagodit oažžut gova njoammundilálašvuođas min suohkanis.

Juohke mánnodat iđida bohtet ođđa dieđut njoammundilálašvuođa birra, nu go čakčat. Erenomáš dáhpáhusain bohtet preassadieđáhusat.

Dál bohtet maid veahá dieđut boahkuheami stáhtusa birra. Suohkan boahkuha dál buohkaid badjel 18 jagi, muhto prioritere boahkuhit buohkaid badjel 45 ja bargiid skuvllain ja mánáidgárddiin goalmmát dosain.

Goalmmát dosain lea vejolaš boahkuhuvvot go leat mannan 20 vahku, nappo jus ožžot nuppi dosa vahku 33 siskkobealde, de sáhtát boahkuhuvvot goalmmát dosain dán vahku. Jus ožžot nuppi dosa vahku 34, de sáhtát boahkuhuvvot goalmmát dosain boahtte vahku, nappo vahku 2.

Ráđđehusa juksanmearri lea ahte buohkat badjel 45 jagi leat ožžon fálaldaga boahkuhuvvot goalmmát dosain boahtte vahku mielde. Ihttin ođđajagimánu 6.beaivvi bohtet oallugat boahkuhuvvot.

Vai ollašuhttit ráđđehusa juksanmeari, de boahtit fállat boahkuheami maiddai boahtte vahku. Buohkat badjel 45 jagi bohtet vuoruhuvvot. Mii áigut aktiivvalaččat fállat boahkuheami nu ahte sii geat leat plánen boahkuhuvvot guovvamánu mielde, besset maid boahkuhuvvot boahtte vahku jus heive sidjiide.

Muittuhan maid ahte lea vejolaš buohkaide badjel 18 jagi dieđihit iežaset goalmmát dosa boahkuheapmái.

https://timebestilling.remin.no/kaafjord

Ustitlaš dearvvuođaiguin

Anita Monsen Pedersen                                                                                        
Gáivuona suohkana váldodoavttir