Buot rievdadusat gustojit bie. 23. rájes ođđajagimánu 1.b.2022

Ráđđehus.no neahttasiiddus gávnnat dieđuid buot rievdadusaid birra

Dá lea rievdadusaid oppalašgeahčastat

Mánáidgárddit, skuvllat ja skuvlafriddjaortnegat

  • Gáibiduvvo ain fágalaš njoammudávddaid eastadeami doaibma
  • Mearkkaša praktihkalaččat ahte skuvllat ja mánáidgárddit mannet ruoná dássái

Oahpahusásahusat alit dásis  

  • Gáibiduvvo ain fágalaš njoammudávddaid eastadeami doaibma
  • Ráđđehus rávve ahte allaskuvllat, universitehtat ja fágaskuvllat lágidit nu ahte studeanttat besset leat sajis go lea oahpahus.
  • Oahpahusásahusat alit dásis eai dárbbaš čuovvut rávvaga ahte studeanttain galgá leat mehter gaska oahpahusas.

Organiserejuvvon valáštallamat ja astoáigedoaimmat  

  • Organiserejuvvon valáštallamat ja astoáigedoaimmat sáhttet mannat nu go dábálaččat.

Bargoeallin

  • Ráđđehus rávve olbmuid doallát mehter gaskka.
  • Ráđđehusa mielde galggašit bargoaddit ieža mearridit man dávjá ruovttokantuvra galggašii geavahuvvot. Bargoaddi galggašii dalle deattuhit man jáhkehahtti lea ahte njoammun leavvá bargosajiin, ja lea go vejolaš doaimmahit barggu jus šaddá buozalmasjávkan.
  • Bargoaddi galggašii fuolahit ahte lea vejolaš doallat mehter gaskka bargosajis.  

Guossuhanbáikkit

  • Guossohanbáikkit eai dárbbaš šat heaittihit alkohola guossuheami árrat.
  • Ii leat šat beavdeguossuheami gáibádus.
  • Guossuhanbáikkit galget fuolahit ahte lea vejolaš doallát mehter gaskka earáide go dállodoaluid orruide ja eará lagasoktavuođaide.
  • Guossuhanbáikkit eai galgga lágidit doaimmaid gos mehter gaska ii dollojuvvo, nu go omd. dánsuma.

Priváhta lágideamit

  • Dál eai leat šat ráddjehusat man galle olbmot sáhttet fitnat guossis ruovttuin, priváhta dahje almmolaš lágidemiin.
  • Gáibiduvvo ain fágalaš njoammudávddaid eastadeami doaibma (geahča dás vuolábealde).
  • Mehter gaskka ráddjehus ii gusto sidjiide geat čohkkájit gitta bistevaš sajiin.
  • Dát mearkkaša ahte lea vejolaš olbmuide čohkkát visot sajiin gos gitta bistevaš stuolut.

Iskan, njoammun ja isolašuvdna

  • Jus leat njoammuduvvon, de bistá isolašuvdna 4 beaivvi.
  • Jus leat isolašuvnnas, de beasat heaittihit dan go leat mannan 4 beaivvi, jus ii leat leamaš feber unnimustá 24 diimmu.
  • Dállodoalu orruin ja eará lagasoktavuođain ii leat šat geatnegasvuohta leat erremis.
  • Ráđđehusa rávvagiid mielde galggašit don gii orut ovttas soapmásiin, dahje lea lagasoktavuohta soapmásii gii lea njoammuduvvon, váldit iešiskosa vihtta beaivvi maŋŋálaga.
  • Jus ii leat vejolaš doallát mehter gaskka sutnje geas lea korona, de rávvejuvvo ahte iskojuvvot juohke beaivvi isolerenáigodagas, ja dasa lassin 5 beaivvi dan maŋŋel. Oktiibuot 9 beaivvi.
  • Dasa lassin lea dál nu ahte dušše olbmot geain leat symptomat berrešit iskojuvvot.
  • Ráđđehusa rávvagiid mielde berrešit dállodoalu orrut ja eará lagasoktavuođat geain leat symptomat geavahit njálbmesuoji siste almmolaš báikkiin.
  • Dasa lassin berrešit čuovvut mielde symptomain olles iskanperiodas. Jus ovddiidat symptomaid, berrešit leat ruovttus ja iskojuvvot jođánisiskosiin.
  • Mánát vuođđoskuvllaagis dahje nuorabut dárbbašit dušše iskojuvvot jus leat symptomat. Gusto maiddai jus lea njoammun dállodoaluin.  

Njoammunguorran

  • Jus leat njoammuduvvon, de berrešit addit dieđu iežat lagasoktavuođaide. Suohkan sáhttá veahkehit jus lea dárbu.
  • Berrešit registreret positiivva iskosa suohkanis.
  • Ráđđehusa mielde galggašit maid registreret positiivva iskosa Smittestopp nammasaš áppas.

Gaskka ja sosiála oktavuohta

  • Rávvejuvvo ain ahte berrešit doallát mehter gaskka earáide go dállodoalu orruide.
  • Rávvagat eai gusto mánáide skuvllain ja mánáidgárddiin.
  • Eai ge gusto rávesolbmuide geat barget mánáiguin, nuoraiguin ja rašes joavkkuin.  
  • Ráđđehusa rávvagiid mielde galggašit ain geavahit njálbmesuoji jus ii leat vejolaš doallát mehter gaskka earáide.

Njálbmesuodji

  • Lea mearriduvvon ahte ferte geavahit njálbmesuoji rámbuvrrain, guossohanbáikkiin, oktasašjohtolagain ja stašuvnnaid siste jus ii leat vejolaš doallát mehter gaskka.  
  • Ii dárbbaš geavahit njálbmesuoji jus čohkká beavdeguoras guossuhanbáikkiin, dahje lágidemiin gos leat gitta bistevaš sajit.

Fágalaš njoammudávddaid eastadeami doaibma

  • Dát mearkkaša ahte doaimmahagat galget fuolahit ahte lea vejolaš doallát mehter gaskka earáide geat eai leat seammá dállodoalus dahje eará lagasoktavuođaide.  
  • Doaimmahagain ferte leat buorit giehtabuhtisvuođa rutiinnat, ráidnet ja biggohit bures
  • Dát gusto: Girjerájuide, museaide, biŋgohállaide, bowlinghállaide,vuojadanhállaide, hoteallavuojádanhállaide, hárjehallanguovddážiidda,gávpeguovddážiidda, rámbuvrraide, gálvomeassuide, gaskaboddosaš rámbuvrraide, stoahkanpárkkaide jna.