Suohkanstivra mearridii ođđa prinsihpaid ja njuolggadusaid ealáhusfoandda geavaheapmái 28.02.22. ášši 15/22.
Ođđa rievdadusat:
- Ođđa šaddadeapmi eanandoalus: Doarjjamáksomearri ođđasis šaddadeapmái lassána 2.000.- ruvnno/dekárii. Dohkkehuvvon dekára lohkui ođđa šaddadeapmái lea unniduvvon 3 dekárii. Ođđaálgán eanandoallit sáhttet ohcat ođđa šaddadeapmái unnimusat dehkara.
- Nuorat/buolvamolsun vuođđoealáhusas: addojuvvo 60.000 ruvnno stipeanda mii juhkkojuvvo golbmii, 20.000 ruvdnosaš olggosmáksimii jahkái.
- Loatna: lasse proseantaoassi lea dušše loatna gitta 40%. Ealáhusloatna addojuvvo reanttuid haga. Ođđaálgan dahje ovddideapmái sáhttá addit gitta 2 jagi oassemávssu haga.
- Delegerejuvvon váldi suohkandirektevrii: áššit gos ohcanmearri lea gitta 50.000 ruvnno, suohkandirektevra hánddalda. Dan doaimma mihttomearri lea oanidit áššemeannudanáiggi.
