Dávjá soaitá leamen nu ahte olbmot jurddašit ahte várrengráda 2 ja 3 ii leat nu váralaš, muhto rievtti mielde sáhttá leat sihke moderáhta ja mearkkašahtti uđasvára. Huma olbmuiguin geat leat hárjánan vánddardit guovlluin gosa ieš leat vuolgime ja čuovu mielde neahttasiiddus varsom.no. Muhto fertet maid jurddašit ahte uđđasat soitet fierrat doppe gos eai leat goassege fierran.
Mii bivdit buohkaid geat vánddardit luonddus dálvet háhkat gelbbolašvuođa uđashástalusaid birra. Maiddai go oahppa guhtet guimmiideattet sáhttá gádjut heakka.
Gáivuonas, ja muđui Davvi Romssas lea guhká leamaš eahpestabiila dálki mii lea dagahan ahte máŋgga sajiin leat bistevaš rašes gearddit muohttagis, sihke meahcis ja váre nalde. Dasa lassin sáhttá leat čearggat main ferte čuovvut mielde vánddardeamis.
Bivdit buohkaid leat várrogasat go vánddardit olgun. Lea erenomáš dehálaš čuovvut mielde dieváin ja alla báikkiin (25-30 gráda) ja oivošguovlluin. Oivošguovlu lea guovlu gos uđas bisána. Sáhttá maiddai leat duolba báikkiin ja ii dušše dieváin.
Muitte čuovvut mielde suohkana neahttasiiddus goas skohterláhtut rahppojuvvojit ja giddejuvvojit ja neahttasiiddus varsom.no.
Gáivuona suohkan bivdá buohkaid geat oidnet báikkiid gos uđđasat leat fierran addit dieđu suohkanii maila bokte:beredskap@kafjord.kommune.no
