Gáivuona suohkanis leat vel veahá pneumokokk-boahkut. Dábálaččat máksá dát boahkuheapmi 350 kr ja biddjo juohke 10. jagi.  Jus leat maŋemus jagiid ožžon dán boahku, de it dárbbaš ođđasis váldit dál.

Boahkuheapmi dán vuoru ferte váldot ovdal 16.06.22, ja lea dán háve nuvttá, vai eat dárbbaš bálkestit boahkkudálkasiid.

Boahkuheapmái it dárbbaš diŋgot diimmu ja sáhttá dušše boahtit Biertavárrái doavttirkantuvrii, dušše dieđit boađáhagas go ollet dohko.

Boahkkodálkasat mat vel leat báhcán 16.06.22 fertejit bálkestuvvot.

Dát boahkuheapmi suodjala pneumokokkbaktearaid vuostá, mat sáhttet dagahit geahpesvuolšši, varramirkkohuvvama ja vuoiŋŋašcuozzavuolšši.

Dát ávžžuhuvvojit boahkuhit iežaset:

  • Buohkat badjel 65 jagi
  • Buohkat geain lea heajos immunasuodjalus, maiddái sii geat ožžot biologalaš/immunaváidudeaddji dálkasiid
  • Olbmot geain lea bistevaš vigit nugo váibmo- ja geahpesvigit ja borasdávda

Anita Monsen Pedersen
Gáivuona suohkana váldodoavttir