Prošeavtta birra:
“Jávohisvuohta sámis- II ŠAT JÁVOHEAPME” lea ovttasbargoprošeakta gaskkal Paranord Film, Mental Helse og SÁNAG (Sámi našuvnnalaš gealbobálvalus – psyhkalaš dearvvašvuođasuddjen ja gárrendilli). Earret eará DAM nammasaš vuođđudus lea ruhtadan prošeavtta mii lea jurddašuvvon golbma iešguđetge ulbmiljoavkkuide, okta nuoraide, okta vuosttášlinjábálvalusaide ja okta mii lea rabas gehččiide.
Dokumentárafilbma lea seksuála illasteami, psyhkalaš dearvvašvuođa ja jávohisvuođa kultuvrra birra Sámis. Filbma gieđahallá tabuáššiid ja dáhpáhusaid mat guhká leat givssidan ollu nuorra sápmelaččaid – buolvvaid mielde. Seksuála illasteapmi ii leat dušše sámi fenomena, lea oppamáilmmálaš ja guoská buohkaide. Jávohisvuohta lea guhká leamašan birgenstrategiija ollu álgoálbmotservvodagain. Marion ja Ida geat filmmas muitaleaba iežaska vásáhusaid birra, leaba vásihan ahte jávohisvuohta ii leat oktiige ávkin.
Prošeavtta bajimuš ulbmil lea botket jávohisvuođa ja dahkat rievdadusa siskkildasas. Filbmavuosehus ja bargu maŋŋel galgá veahkehit ulbmiljoavkkuid hupmat rahpaseabbo tabuáššiid birra giddejuvvon servodagain. Geahččit galget oažžut máhtu mat leat mielde veahkeheamen eastadit seksuála illasteami ja psyhkalaš eahpedearvvašvuođa. Psykologa Lill-Tove Veimæl, Pedagoga Labba Wilhelmsen ja Marion filmmas leat ovttas ráhkadan oahpahusdahkosiid
