Gáivuona suohkan lea dál váldán atnui ássiidbálvalusa Fiks min kommune. Go logget sisa neahttasiidui min.kommune.no gávnnat poastta suohkanis, beasát oaidnit makkár viessosajiid ja opmodagaid eaiggádat, gávnnat ávkkálaš liŋkkaid suohkana digitála bálvalusaide, ja sáhtát mannat viidáseappot neahttasiidduide nugo skatteetaten, NAV, helsenorge, posten, altinn jnv. 

Ássit ožžot relevántta dieđuid buot suohkaniin gosa lea gullevašvuohta, nu ahte jus eaiggádat viesu Gáivuonas ja lea barta Ivgus, de beasat oaidnit dieđuid goappaš suohkaniin (jus suohkanat geavahit Fiks min kommune vuogádaga).

Liŋka bálvalussii gávnnat dál “Innsyn og selvbetjening” vuolde suohkana neahttasiiddus.