Gos leat bisánansajit?

Bisánansajit leat Gáivuonvuovddi bisánansajis , ja das gos Guolášgeaidnu álgá gitta Huortnažii. Guoskevaš guovllu kártta gávnnat dás. Galbbat ja mot sajit leat merkejuvvon, muitalit mot galgá bisánit. Du bisáneapmi ii galgga hehttet earáid, geat atnet guovllu.

Šaddá go máksit go atná EasyPask appa?

Lea duohta ahte EasyParkas lea lligemáksu 15%. Eanet dieđuid mot hattit leat mearriduvvon ja daid iešguđet haddemeriid gávnnat dás.

Lea go liigemáksu jus áiggut máksit eará ládje (ruđain/ koarttain)?

Jus mávssát ruđain/ koarttain ráđđeviesus ii leat liigemáksu. Máksin ráđđeviesus lea gaskal diibmu 08.00 ja 14.00. Go leat máksán fertet deavdit skovi mas leat dárbbašlaš dieđut. Dieđuid čoaggit dušše danne vai sáhttit váldit oktavuođa earenoamáš dilálašvuođain. Go dán leat dahkan oažžut čálalaš bisánanlobi. Bisánanlobi bijat vuojána ovdalásii ja galgá nu biddjot ahte dan álkit fuobmá.

Ferte go máksit jus dušše áigu iežas eatnama atnit?

Jus anát iežat eatnama vuojána bisánansadjin, it dárbbaš máksit. Jus baicca anát bisánanguovllu beassat iežat eatnamii, fertet máksit. Mii eat sáhte vealahit gussiid ja báikkálaš olbmuid, go EØS- šiehtadusa artihkal 4 gieldá dan. Mielddisbuktá ahte buohkat (vel sii ge, geain leat eatnamat lahka) geat atnet bisánanguovllu galget máksit.

Lea go liigemáksin, jus lea eará juvlafievru dahke muohtaskuter?

Jus bijat vuojána biddjon bisánanguvlui, fertet máksit anu ovddas. Jus nubbi vuoján lea jorri nalde, de dat gullá biilii mas jorri lea gitta. Ferte elektronalaččat registreret fievrru/ jorri dovdomearkkat ovdal guođđá vuojána (biilla).

Na ba jus lean beare doalvume muhtima, geas lea juovlafievru/ muohtaskuter, ferten go de máksit?

Merkejuvvon sadjái bisánit ja maiddái go vuoddji lea fievrrus, lea bisáneapmi. Oanehis bisáneastin luoitit/ guođđit dahje váldit mielde olbmuid/ gálvvuid lea lobálaš. Eanet dáid njuolggadusaid birra sáhtát lohkat vuddjiid ja vázziid birra láhkalasáhusa oasis §17 “Stans og parkering”,

Ferten go máksit bisánansaji jus galggan guolástanmátkái?

Jus guođđat vuojána merkejuvvon bisánansadjái, fertet máksit. Jus bijat vuojána iežat eatnamii, it dárbbaš máksit. Mátkkit olggobealde bisánanguovlluid leat vejolaččat, jus čuvvot buohkaidrievtti. Diet mearkkaša ahte sáhtát vánddardit meahcis gos háliidat, beare leat várrogas. Vánddardit nu ahte ii vuhtto ja it bilis eatnamiid dahje muosehuhte elliid/ lottiid, lea álo fámus. Olbmuid eatnamiin galgá vánddardit luottaid ja bálgáid mielde ja doalahit iežas guhkkin eret viesuin, barttain, gilvogárddiin ja viessošiljuin. Áigodagas golggotmánu 15, beaivvis cuoŋománu 29.beaivái sáhtát rasttidit bargon eatnamiid, jus lea muohta.