Gáivuona nuoraidráđđi juolluda 40.000 kruvnnu gárreneastadeaddji doaimmaide.
Doaimmat galget vuosttažettiin leahtit 12-19 jahkásaš mánáid ja nuoraid várás.
Gáivuona nuoraidráđđi hásttuha eaktodáhtolaš joavkkuid ja servviid mat háliidit lágidit suohttasiid mánáid várás ohcat doarjaga.
Ohcanáigemearri: ohcamuš ferte leat suohkanis ovdal bearjadaga juovlamánu 29.b.2023
Ohcamuš sáddejuvvo: post@kafjord.kommune.no ja merkejuvvo “Gárreneastadeaddji doaimmat 2023”
Dáid eavttuid vuođul sáhttá ohcat:
- Váldoohcci galgá leahtit eaktodáhtolaš searvi.
- Ohcamušas galgá leahtit čilgehus doaimmas, manne lea gárreneastadeaddji, oasseváldiid lohku ja man dávjá doaibma lágiduvvo. Ruhtadeapmi ja golloluoitu galgá biddjojuvvot mielddusin.
- Doaibma galgá vuosttažettiin leahtit 12-19 jahkásaš mánáid ja nuoraid várás.
- Vuoruhit doaimmaid main leat ulbmiljoavkun mánát ja nuorat geaid organiserejuvvon doaimmat eai geasut.
- Vuoruhit doaimmaid mat lágiduvvojit basiid (vahkkoloahpaid).
- Doarjja ii galgga adnot doaibmagollui nugo bálkái jna.
- Doarjja ii galgga adnot divraset biergasiid/reidduid oastimii.
Vejolaš lea ohcat doarjaga oastit biergasiid/reidduid gitta 5000 kruvnnui. Ohcci ferte čilget manne biergasat/reaiddut leat dárbbašlaččat doaimma čađaheapmái.
Eat gieđahala dievasmeahttun ohcamušaid, danin lea dehálaš bidjat dárbbašlaš duođaštusaid mielddusin.
Nuoraidráđđi / suohkan háliida diehtit masa doarjja lea geavahuvvon, dan dahká go sádde eaŋkilis rehketdoalu unnimustá 3 mánu maŋŋel olggosmáksima. Jus ii leat geavahan doarjaga dahje jus lea geavahan dan eará doaimmaide go ohccojuvvon, de soaitá ferte máksit ruovttoluotta.
Ohccámuša ja mildosiid sádde mailačujuhussii post@kafjord.kommune.no ovdal bearjadaga juovlamánu 29.12.2023
Sávvat ahte gulahallat, ustitlaš dearvvuođat Gáivuona nuoraidráđis!
Ovttas mii ráhkadit doaimmaid nuoraide!
