Iskkadeamit leat heivehuvvon gaskadási mánáide (5.l-7.l.), nuoraidceahkkái, ja maiddai joatkkaskuvlla oahpahussii. Ungdata addá vejolašvuođa suohkana mánáide ja nuoraide muitalit politihkkariidda, eisseválddiide ja maiddai dukkiide mot sin eallin lea, ja addá duohta gova mot dilli suohkanis lea. Gáivuonas besset 49 gaskadási- ja 53 nuoraidceahki oahppi searvat iskkadeapmái mas leat ollu iešguđetge fáttát nugo váhnemat, olbmát, skuvla, báikkálaš biras, astoáigedoaimmat, dearvvasvuohta ja loaktin. Nuoraidceahkis lea maid jearaldagat gárrenmirkkuid geavaheami birra, seksualitehta, riskaláhttema, ja veahkaváldima birra. Ungdata iskkadeapmi galgá gokčat ollislašvuođa mánáid ja nuoraid eallimis. Dálusvákki skuvllas leat juo beassan čađahit iskkadeami. Siskkit Gáivuona skuvla beassá dán dahkat gaskavahku 12.03.24, ja Olmmáivákki skuvllas ges besset čađahit iskkadeami duorastaga 14.03.24.

Nuorát besset leat anonymat ja lea eaktodáhtolaš searvat iskkadeapmái. Sii besset maiddai válljet háliidit go dán čađahit girjegillii, ođđadárogillii, eŋgelasgillii, dahje davvisámegillii. Ungdata ruovttosiiddus lea vejolaš geahččat mot Gáivuona nuorat vástidedje jagi 2021. Sáhttá maiddai iskat mot Gáivuona bohtosat leat fylkka ja olles riikka ektui. Korus nord ráhkada dán jagi iskkadeami mii ovdanbuktojuvvo suohkanstivrras vuosttáš heivvolaš vejolašvuođas.

Leat go jearaldagat ungdata birra?

Váldde oktavuođa ungdata koordináhtoriin oppalaš jearalágaiguin ja skuvllaiguin čađaheami birra.

Ungdata koordináhtor Gáivuonas

Mattis Bårnes (E-poasta ihtá go deaddilat nammii)

Telefovdnanummár 482 05 265 (olámuttus disdagaid ja gaskavahkuid)