Gáivuona suohkan galgá válljet veahkkeduopmáriid áigodahkii 01.01.2025 - 31.12.2028.
Lágamanniriktái, diggegoddái, ja eanajuohkinriektái galget válljejuvvot veahkkeduopmárat.
Soabadanráđđái galget maiddai válljejuvvot čoahkkinfápmohasat ja miellahtut, ja dasa lassin galgá suohkan eavttuhit árvvoštallanláhtuid geat válljejuvvojit fylkkadikkis.
Gáivuona suohkan bovde suohkana nissoniid- ja dievdoolbmuid dieđihit iežaset veahkkeduopmárvirggiide jus orro leamen miellagiddevaš.
Lávdeduopmárat dahje veahkkeduopmárat leat nisson- dahje dievdoolbmot geat skuvlejuvvon fágaduopmára fárus besset leat mielde mearrideamen diggeáššiin.
Gii beassá leat veahkkeduopmár?
Duopmostuollolágas leat gáibádusat maid ferte deavdit ovdalgo beassá leat veahkkeduopmár:
Don fertet ee. leat gaskkal 21 ja 70 jagi boaris válgaáigodaga álggus ja leat álbmotregistrerejuvvon Gáivuona suohkanis. Dus galgá leat buorre dárogielmáhttu ja maiddai jienastanriekti. It galgga leat almmolaš vealgešiehtadallamis itge reastaluvvanmeannudeamis/reastaluvvanerremis. Don fertet leat Norgga dahje davviriikkalaš álbmotlahttu dahje čálihuvvon álbmotregistarii Norgga ássin maŋimuš golbma jagi. Dus ferte leat dohkkehuvvon meannudusduođaštus go galggat leat veahkkeduopmár.
Duopmostulot barget eanet ja eanet digitálalaččat mii mearkkaša ahte veahkkeduopmáriin berrešii leat buorre digitála gelbbolašvuohta.
Veahkkeduopmárat eanajuohkinrievttis
Eanajuohkinrievtti veahkkeduopmáriin berrešii leat máhttu ovtta dahje eanet čuovvovaš fáttáin:
- Eanadoalus
- bivddus ja guolásteamis
- bistevaš opmodagaid takseremis, máhttu visttiid birra
- boazodoalus
- fidnogelbbolašvuođas, luottaid huksemis
Eanáš áššit eanajuohkináššis sisttisdollet diđošteami, mii mielddisbuktá ahte veahkkeduopmáriin ferte leat dábálaš buorre healsu ja nagodit vánddardit eanadagas.
Soabadanráđđi
Davvi-Romssa soabadanráđđi lea suohkaniidgaskasaš soabadanráđđi, mii fas mielddisbuktá ahte juohke suohkan ferte šiehttat galle miellahtu galget searvat dasa.
Soabadanráđi miellahtut fertejit deavdán 25 jagi. Galgá dušše válljet sin geat leat erenoamáš heivvolaččat bargui ja geat máhttet dárogiela sihke čálalaččat ja njálmmálaččat. Loga eanet soabadanráđi birra dás.
Dás gávnnat eanet dieđuid veahkkeduopmárortnega birra.
Orro go dát miellagiddevaš, dahje leat go dus eanet jearaldagat?
Váldde oktavuođa Greta Larseniin e-poastta bokte, dahje sádde skovi dás vuollelis.
Skovis lea vejolaš čájehit beroštumi veahkkeduopmárortnegis, fertet čállit juohke sadjái merkejuvvon násttiin*
Muitte ahte it galgga čállit persondieđuid skovvái.
