Bisánansadji Skognesis (Gáivuonvuovddis):
Mearriduvvui áššis KS- 76/22 ahte bisánanguovlu Skognesis (Gáivuonvuovddis) Huortnážii (Vuortnážii) galggai birra jagi fálaldat. Árvvoštallui ahte bisánansajit maiddái galge rabas nu guhká go skutermáđijat leat rabas. FS- áššis 132/23 mearriduvvui fas rahpat skutermáđija, ja dát álgá Skognesis (Gáivuonvuovddis) ja čuovvu Guolášgeainnu duoddarii.
Bisánansadjemávssut:
- Jándoris kr 150 ja čuovvovaš jándor kr 50
- Jahkái kr 500
Máksin(Skognes / Gáivuonvuovdi):
Jus áiggut máksit Easypark- áppain, skánne (govve) QR-koda vuolábealde:
Deaddil máksinráji “8669” áppas.
Go anát dán bálvalusa, lassána máksámuš 15 proseanttain (Máksinsummá + 15%).
Bisánansajit Guolášluottas Huortnážii (Vuortnážii);
Guoská buot bisánansajiide Guolášgeainnus:
- Ankerlia – 25 saji
- Goikegorži – 15 saji
- Fossevegen (Goržebálggis) – 10 saji
- Sabetjohka – 7 saji
- Huortnáš (Vuortnáš) -15 saji
Dát bisánanguovlu ii leat rabas birra jagi go muohta geainnus ii čorgejuvvo dálvet. Bisánansaji mávssut leat čuovvovaččat:
- Jándoris kr 150 ja čuovvovaš jándor kr 50.
- Jahkái kr 300.
Máksin (Guolášgeaidnu – Huortnáš (Vuortnáš):
Jus áiggut máksit Easypark- áppain, skánne (govve) QR-koda vuolábealde:
Deaddil máksinráji “8670” áppas.
Go anát dán bálvalusa, lassána máksámuš 15 proseanttain (Máksinsummá + 15%).
Máksit ruđain:
- Sáhtát máksit suohkanviesu 1.gearddis bálváluskontuvrras go dat lea rabas (mánnodagas – bearjadahkii gaskal 08.00 – 14.00). Váldde mielde nu juste ruđa go vejolaš.
- Fertet deavdit skovi mas leat dárbbašlaš dieđut. Dieđuid čoaggit dušše vai sáhttit váldit oktavuođa jus lea juoga earenoamáš.
- Oaččut bisánanlobi. Bisánanlohpi galgá hui oidnosis go čuoččut das, ja lea du ovddasvástádus ahte lea oidnosis.
Earenomáš bisánanlohpi:
Olbmuide, geain lea váttisvuohta sirddašit ja lea HC - duođaštus, leat earenoamáš vuoigatvuođat bisánansajiid ektui. HC - duođaštusain beasat bisánit earenoamáš sajiide, main lea HC - mearka dahje galba. Sáhtát ohcat HC – duođaštusa ju dárbbašat álkis bisánansaji lihkadeami geažil. Geahča eanet dieđuid: Parkerenlohpi sidjiide geain lea sirdinhástalusat (HC-koarta) - Kåfjord kommune (kafjord.kommune.no)
Bisánanláhkalasáhusa § 27 vuođul sáhttá suohkan addit bisánanlobi vissis mohtorfievrruide ja joavkkuide dahje olbmuide, geain leat earenoamáš dárbbut beassat bisánit fievrruin várrejuvvon bisánansajiide. Ohcamiid gieđahallá biras-, doaibma- ja ovdánahttinlávegoddi (UMDU). Ovdagoddi gieđahallá váidagiid. Lohpi § 27 rájes § 29 rádjái čállo dan áigodahkii, masa suohkan jáhkká dárbbu. Go lohpi nohká, ferte ohcat fas. Suohkan árvvoštallá de dárbbuid fas. Suohkan árvvoštallá makkár joavkkuide lea heivvolaš addit earenoamáš bisánanlobiid. Árvvoštallama vuođđun leat sajiid áigumušat ja dárbbut. Skovi gávnnat dáppe: Søknad om særskilt parkeringstillatelse.
