1. Doala leahttoráji, doala gaskka eará biillaide
Alla leahttu lea dábáleamos sivva manne olbmot duššet trafihkas dahje ožžot garra vahágiid trafihkas. Muitte maiddái gaskka biillaide ovddabealde: Loga 1001, 1002 ja 1003 du iežat biilla ja ovddabeale biilla gaskkal.
2. Geavat boahkána riekta
Dárkkis ahte buohkat geavahit biilaboahkána nu mot galgá. Smávimusat galget čohkkát biilastuolus mii lea maŋás guvlui ja heivehuvvon sin deddui. Stuorát mánáide ja rávesolbmuide galgá boagán leat čavga badjel čoarbbeali ja olggoža. Lea váralaš geavahit boahkána gieđa vuolde ja čoavjji badjel.
3. Leage gozuid alde
30 proseantta lihkohisvuođain dáhpáhuvvet fuomášmeahttunvuođa geažil. Doalat fokusa go leat vuodjime, ale surfe itge deaddil telefovnna vuojádettiin. Geavat handsfree nammasaš rusttega. Bisán go leat váiban. Geahča www.holdfokus.no nammasaš neahttasiidu.
4. Geavat oaivvi páhkkemis ja várut ahte eai leat luovos diŋggat biillas
Losimus diŋggat galget leat vuolimusas ja nu guhkkin ovddabealde gálvolanjas go vejolaččat. Biilla siste galget dušše leat dipmá diŋggat. 0,5 gilo lossa Ipada boahtá deaddit 10 gilo jus biila fáhkkestaga bisána. Lossa diŋggat eai galgga goassege leat gálvohildus dahje luovosnaga biillas.
5. Biebmoeallit
Muitte bures sihkkarastit biebmoelliid vuojedettiin. Stuora beatnagiid lea sihkkareamos bidjat buvrái biila gálvolatnjii. Smávit elliid sáhttá bidjat buvrái biilla láhttái ovdastuoluid maŋábeallai.
6. Muitte várrehusgolmmačiegaga ja refleaksaveastta
Várrehusgolmmačiegaga galgá leat álki gávdnat, sáhttá vurket dan juogo ovdastuolu duogábeallai. Dalle lea olámuttus jus muhtin vuodjá biilla njeaiga duogábealde ja lea váttis rahpat gálvolohki. Refleaksaveasta veahkeha earáid oaidnit du.
7. Garvve biilabuozalmasvuođa
Muitte váldit bottuid ja oažžut friská áimmu. Magnehtagiehtabáddi ja biilabuozalmasvuođadálkasat veahkehit biilabuozalmasvuođa vuostá. Ale juga mielkejuhkosa dahje bora beare olu njálgáid ovdal biilatuvrra. Agressiiva vuodjinstiila, ollu gássen ja goazaheapmi dagaha álkit váibmogággahága.
8. Biilavuoddji ferte muitit juhkat čázi
Jus biilavuoddji juhká beare unnán čázi, de soitet šaddat nahkárat. Lea dehálaš ahte lea doarvái jugus biilatuvrras, čázi lea buot buoremus juhkat.
9. Iskka deahkaid ja áimmu deahkain
Beare unnán dahje beare ollu áibmu deahkain dagaha ahte eai doaimma nu mot galget Áibmo galgá heivehuvvot deahkkedimenšuvdnii, lehttui ja man dievva biila lea. Gollán deahkat dahket ahte šaddá váddáseappo vuodjit go arvá liegga asfálttas.
10. Viessovovnnat
Lea hui dehálaš ahte biilla goallosfággi álo lea ortnegis vai ii masse gearro. Váldde vuhtii eará johtaleddjiid ja luoitte sin meaddel vai ii šatta ráidu.
Vuoje čábbát ja buorre geassi :)
Gáivuona suohkan, johtolatdorvvolaš suohkan
