Leat guokte guoskavaš avádaga:
1/100 - 1/1000 jagi jáhkehahttivuohta (meara ja runta sárgá gaskka)
1/1000 - 1/5000 jagi jáhkehahttivuohta (runta ja fiskes sárgá gaskka)
Juohke ovtta huksen ja juohkináššiin avádagaid siskkobealde ferte árvvoštallat sihkarvuođacehkiid, muhto teknihkalaš láhkanjuolggadusas gávdno oppalašgeahčastat mii čilge maid lea lohpi hukset:
Maid lea lohpi hukset:
1/100 - 1/1000 jagi jáhkehahttivuohta: Doaibmabijut sihkkarvuođaceahkis S1
- Garášaid, olgovistiid ja návsttiid
- Smávit brukkaid
- Rádjovisttiid main leat unnán olbmot orrume
- Ovtta láktavistti, ovtta lasáhusvistti dahje geallára 50 m2 rádjai vistti doaibmanáiggis
- Geavahanrievdadus ja ođđasishuksen 50 m2 geavahanareála rádjai
- Eanačuoldináššit gos dálá ja ođđa doaimmat eai mana sihkkarvuođaceahki S1 badjel
1/1000 - 1/5000 jagi jáhkehahttivuohta: Doaibmabijut sihkkarvuođaceahkis S2
- Sierraviesuid, guovttebearašviesuid ja sierraviesuid ráidodáluin/geardedáluin/astoáigeviesuin mas eai leat eambbo go 10 ássanovttadaga
- Bargo- ja álbmotvisttiid/ bráhkaid/ idjadanbáikkiid mas dábálaččat eai leat eambbo go 25 olbmo
- Doaibmavisttiid eanadoalus
- Parkerenvisttiid ja hámmanrusttegiid
- Eanačuoldináššiid gos dálá ja ođđa doaimmat eai mana sihkkarvuođaceahki S2 badjel
Man guhká gusto huksen- ja juohkingielddus?
Huksen- ja juohkingildosa sáhttá loahpahit go suohkan lea mearridan ođđa areálaoassi mii vuhtiiváldá viiddiduvvon avádagaid. Dát galgá lea sajis suohkanplána areálaoasis guovtti jagi siskkobealde. Jus suohkanis juo lea mearriduvvon regulerenplána mii lea 1/1000-1/5000 jagi jáhkehahttivuođa siskkobealde, de sáhttá ohcat lobi stuoridit visttiid. Eaktun lea ahte plána ođasmahttojuvvo vai olaha 6 sierra gáibádusa. Rehkenastojuvvo ahte proseassa ođasmahttit plánaid váldá sullii jagi.
Leat go du orrunbáikkis guovllut gos várregilga sáhttá njirrat ja vuolggahit várálaš báruid?
