Go bivdit geavahit mohtorfievrruid, de fertejit čuovvut muhton njuolggadusaid. Guovlluin gos lea vejolaš, galgá geavahit boares vuodjinluottaid. Vánddardeapmi mehciin ja jikŋon čázádagain galgá dahkkojuvvot nu várrogasat go vejolaččat vai ii muosehuhtte elliid ja olbmuid, ja vai ii billis eatnamiid. Bivdit barget riikkaviidosaš láhkavuođu § 2 bustáva b vuođul báhččojuvvon ealggaid ja sarvvaid fievrrideamis.
Láhkavuođđu gusto dušše elliid fievrrideapmái, muhto jus fievrrus lea sadji de lea vejolaš maiddai váldit mielde bivdiid ja rusttegiid seammá tuvrras. Buot áiggiid ii soaitte leame vejolaš dieđihit eanaeaiggádeddjiide dahje jearrat vánddardanlobi, nu ahte sáhttá maiddai geavvat nu ahte olbmot oidnojit vánddardeame jearakeahttá du eatnamiin. Gáivuona suohkanis leat guokte almmolaš dohkkehuvvon bivdi geain leat dohkkehuvvon beatnagat geat sáhttit ohcat elliid jus boahtá diehtu politiijain dahje suohkanis lápmašuvvan elliid birra. Bivdit sáhttet maiddai vuolgit njuolga báikkiide gos omd. eallit lea vuojahallon vai eai dárbbaš biinniduvvot.
Ustitlaš dearvvuođat
Gáivuona suohkan Kåfjord kommune Kaivuonon komuuni
Telefovdnaguovddáža nummár: 77719200
e-poasta: post@kafjord.kommune.no
