Hei Buohkaide!

Dán vahku boahkuhit orruid buhcciidsiiddas geat leat dieđihuvvon dasa ja álgit maiddai boahkuhit suohkana orruid.  Suohkana čálli lea maŋimus vahkuid riŋgen buot orruide badjel 85 jagi ja jearran háliidit go sii boahkuheami vai eai. Máŋgasat leat juo dadjan juo, ja earát fas háliidit vuordit veahá ovdal go vástidit. Sii fertejit ieža váldit oktavuođa doaktárkantuvrrain jus háliidit maŋŋel boahkuhuvvot.

Mii leat dán rádjai vahkkosaččat ožžon 6-12 dosa mii lea oalle unnán, ovddasguvlui vurdojuvvo maid ahte bohtet liikka unnán dosat. 4 vahku rájes sáddejuvvojit dosat mat leat dosat nr. 2 pasieanttaide geat ožžo boahkuheami 1. vahkus jna. Dál ođđajagimánus leat logut nu unnit ahte lea vejolaš diŋgot diimmu ja oažžut boahkuheami dearvvasvuođastašuvnnas.

Dál álggus riŋget ovttaskas orrui gii lea aktuála boahkoheapmái, mii eat vel váldde vuostá dieđiheami telefovnna bokte.

Mii čuovvut Álbmotdearvvasvuođa vuoruhanlisttu:

  1. Buhcciidsiidda orruid ja válljejuvvon dearvvasvuođabargiid
  2. 85 jahkásaččaid ja válljejuvvon dearvvasvuođabargiid
  3. 75-84 jahkásaččaid
  4. 65-74 jahkásaččaid
  5. 55-64 jahkásaččaid jnv.

Vuoruhusat ahkejoavkkuid siskkobealde dahkkojuvvojit ovttas suohkana fástadoaktáriiguin. Dalle geavahuvvo erenomáš reaidu journálavuogádagas mii sáhttá válljet ovttaskas olbmo geas soitet leat eanemus riskabealit buohccát covid-19 virusii.     

Guovvamánu mielde vurdojuvvojit (muhto ii leat vel duođaštuvvon) eanet dosat.  

Go dát ahkejoavku lea boahkuhuvvon, de joatkit singuin geat leat 75-84 jahkásaččat. Dás eat šat riŋge olbmuide, muhto sii geat háliidit sáhttet diŋgot diimmu boahkuheapmái.  Jus olu olbmot leat dieđihuvvon dása, de geavahit seammá reaiddu journálavuogádagas mii lea bajábealde čilgejuvvon.

Ráđđehusa ulbmil lea boahkuhit buohkaid risikojoavkkuin ovdal geasi.

 

Ustitlaš dearvvuođaiguin

Anita Monsen Pedersen
Gáivuona suohkana váldodoavttir