Doarjja eanandoalloeatnamiid goikadeapmái (dreneremii)

Várrejuvvon ruhta jahkái 2022 lea kr. 164 000,-                                            

Ulbmiljoavku: Doaimmahagat dahje eanandoalloeatnamiid eaiggádat.                                                              
Doarjjamearri: systemáhtalaš goaivumat kr. 2 000,- pr. dekára ja kr. 30,- pr. mehter eará goaivuma ovddas.      
Geahča njuolggadusa dán birra  forskrift om tilskudd til drenering av jordbruksareal.

Doarjja erenoamáš birasdoaimmaide eanandoalus (SMIL).

Várrejuvvon ruhta 2022 lea kr. 224 200,-                     

Ulbmiljoavku: Doaimmahagat dahje eanandoalloeatnamiid eaiggádat go eanandoalloeanan masa ohccojuvvo doaibmadoarjja lea mielde.
SMIL-doarjagat gehččojuvvojit ovttas regionála birasdoarjagiin (RMP). Doarjjamearri lea gitta 70 % dohkkehuvvon goluin, ja oktasaš doaimmaide biologalaš šláddjiivuođa áimmahuššama váste sáhttá addot gitta 100 % doarjja.

Gáivuona suohkan lea mearridan báikkálaš SMIL njuolggadusaid/doaibmastrategiijaid 01.01.2020 rájes. Doarjja sáhttá addot dákkár doaimmaide: 

  1. Prošeaktaplánen
  2. Áimmahuššat luonddu- ja kulturmuitoárvvuid kulturduovdagis
  3. Hehttet dahje unnidit nuoskkidemiid

Doaibmastrategiijat deattuhit njeallje suorggi:

  1. Rabas kulturduovdagat ja guohtunresurssaid ávkkástallan
  2. Kulturduovdagat main leat kulturhistorjjálaš árvvut
  3. Kulturduovdagat dábálaš olbmuide illun ja ávkin
  4. Birasustitlaš eanandoallu

Geahča njuolggadusaid forskrift om tilskudd til spesielle miljøtiltak i jordbruket.

Doarjja doaibmabijuide guohtunguovlluin

Várrejuvvon ruhta 2022 lea kr 50.000,-

Ulbmiljoavku: Guohtunsearvvit dahje ovttastumit .
Doarjja addojuvvon investerendoaimmaide dahje plánen-/heivehanprošeavttaide.
Doarjjamearri lea gitta 50 % dohkkehuvvon goluin, ja gitta 60 % elektrovnnalaš rusttegiidda, ja plánen-/heivehanprošeavttaide.

Geahča njuolggadusa forskrift om tilskudd til tiltak i beiteområder.

Báikkálaš njuolggadusat doarjagiid hálddašeami birra doaibmabijuide guohtunguovlluin.

Vuoruhuvvon investerendoaimmat Gáivuona suohkanis:

  1. Áiddit (oazit) ja čohkkenrusttegat
  2. Teknologiija mii ovddida meahcceláidumiid
  3. Šaldit/rovit ja guođohan-/bargobarttat

Vuoruhuvvon plánen- ja heivehandoaimmat Gáivuona suohkanis:

  1. Ođđa/ođđasis organiserejuvvon guohtunsearvvit main sáhttá leat organiserejuvvon guohtungeavaheapmi,
  2. Guohtungeavahanplánat
  3. Eará heivvolaš plánat/ovttasbargu. 

Goluid meroštallan: Bargu gitta kr.  400,- diimmus + tráktor/mašiidna/reaidu gitta kr. 500,- diimmus. 
Mildosat ja eavttut: kárta ja čálalaš soahpamušat guoskevaš eananeaiggádiiguin unnimusat logi jahkái

Doarjja dihto kulturduovdagii (UKL)

Várrejuvvon ruhta 2022 lea kr. 1 018 350,- (minus kr. 80 000,- Skárfvákki hálddašanplána ođasteapmái).                                                                                     

Ulbmiljoavku: Eananeaiggádat, dahje earát geain leat čálalaš vuoigatvuođat
UKL-ruđat sáhttet ovttas SMIL-ruđaiguin adnot ruhtadeapmái ja gehččojuvvot ovttas RMP-ruđaiguin. 
Doarjjamearri lea dábálaččat gitta 85 % ovttaskas prošektii ja gitta  100 % UKL-ruđat plánemii ja bajitdási oktasašprošeavttaide.

Geahča  forskrift om tilskudd til tiltak i utvalgte kulturlandskap i jordbruket og verdensarvområdene Vegaøyan og Vestnorks fjordlandskap.

Doaimmat maiddá UKL-doarjja sáhttá addot:                                                                                                                          

  • areálaid divvun ja dikšun
  • visttiid ja eará kulturmuittuid divvun ja máŧasdoallan
  • heiveheapmi vánddardeapmái ja olgodaddamii                                                                                                                        
  • gaskkusteapmi
  • doaibmabijuid dárbbašlaš plánen                                                                                                                            
  • eanadatárvvuid kárten ja duođašteapmi                                                                                             
  • kártet ja duođaštit dárbbu dikšut ja sihkkarastit luonddu-/kulturmuitoárvvuid                           
  • eará doaimmat mat ovddidit ortnega ulbmila 

UKL-ruđaid láidesteaddji mearit jahkásaš dikšundoaimmaide kulturduovdagiin mat leat našuvnnalaččat válljejuvvon kulturduovdagat Skárfvákkis, vehkiin, Diibmomáksu gitta kr. 400,-

Goluid meroštallan Doaibma 85% UKL-doarjja
Kr 400,- per 100m2 Láddjet 1 geardde, čorget eret rásiid/urtasiid Kr 3.400,- per dekára
Kr 450,- per 100m2 Láddjet 1 geardde ráhpes báikkis, čorget eret šattuid Kr 3.825,- per dekára
Kr 500,- per 100m2 Láddjet 2 geardde oalle ráhpes báikkis, čorget eret šattuid  Kr 4.250,- per dekára
Kr 550,- per 100m2 Láddjet 1 geardde, áhcut ja rádját suinniid Kr 4.675,- per dekára
Kr 600,- per 100m2 Láddjet 1 geardde  ráhpes báikkis, áhcut ja rádját suinniid Kr 5.100,- per dekára

Jorbejuvvo lagamus 100 m2 (omd. 1 200 m2 / 1,2 dekára) Golut rehkenastojuvvojit oktan lassiárvodivadiin.

Duođaštusat:                                                                                                                                               
Bálká; Diibmolistu mas lea namma, diibmolohku, makkár bargu, ja bálká/veahkkálasdoaibma (dugnad)
Investeremat: Boaldámuš, bargoneavvut, rusttegat jna.                                                                                                   
Iežas ruhta; Gálvvuid váldin alcces, iežas reaidduid, rusttegiid jna. geavaheapmi, gálvvut iežas vuorkkás