Ohcamis galget dieđut juohkima ulbmila, saji ja sturrodaga birra.

 Čuovvovaččat sáhttet ohcat ásahit eananopmodaga, buohtastahte phl §21-2 ja matrikkelága §9 :

  • Geas lea vuođđogirjevuoigatvuohta vuođđoeatnamii, rustteteatnamii dahje registrerejuvvon oktasaš eatnamii, mas dat ođđa ovttadat galgá juhkkot dahje masa ásahuvvot.
  • Gii lágafámolaš duomu bokte lea eaiggát dan oassái, mii galgá juhkkot.
  • Gii lea lonistan láigoeatnama njuolggadusaid vuođul viessosadjelágas.

Fápmudus sus, geas lea vuođđogirjevuoigatvuohta, dohkkehuvvo.

Ovdagihtiikonferánsa
Jus dárbbašat čielggadeami juohkima rámmaid ja sisdoalu hárrái, sáhtát bivdit ovdagihtiikonferánsa.

Čuoldin  guovlluin gos leat biđggus huksemat dahje eai leat regulerejuvvon (LNFR – guovllut)  
Jus háliidat čuoldit viesso- dahje ealáhusvistesaji guovllus, mii ii leat regulerejuvvon, leat bealit, maid ferte árvvoštallat áššemeannudettiin.

Suohkanplána plánamearrádusas 6. čuoggás Njuolggadusat ja sierralohpepráksis gávnnat eavttuid a -i) maid gal vuhtiiváldit.

  1. Viessosadjeohcamat LNFR -guovllus 
    • guovllut olggobealde várrejuvvon guovlluid hukset biđgosit galget meannuduvvot čuovvovaš njuolggadusaid mielde: 
  2. Ovdamunit bieđggus viessohuksemiin LNFR - guovllus
    • Guovllus lea eanet árvu go hehttehusain, jus lea váldán vuhtii huksenguovllueavttuid dás vuolábealde.
  3. Go juohká ođđa viessohuksensajiid LNFR -guovllus 
    • Guovllut dahje lasáhus eatnamiidda, mat juo leat, eai galgga viessosajit ollislaččat leat stuoribut go sullasaččat muđui Gáivuona suohkanis.
    • Luoddaearrolohpi almmolaš geidnui addá eiseváldi, geas dat fápmu lea. Galgá vuoruhuvvot atnit luoddaearuid, mat juo leat.

Sierralohpi
Jus juohkin ii čuovo plána -ja huksenlága ja/ dahje doaibmi plána, sáhttá ohcat sierralobi garvit daid. Lea plána – ja huksenlága kap. 19, regulere dákkáriid. Sierralohpebagadallama gávnnat dáppe.

Sierraohcamis galgá ákkastallat doaimma áigumuša. Juohkimat oktan ákkastallon sierralohpeohcamiin, sáddejuvvojit gulahallamii guoskevaš sektoreiseválddiide ja meannuduvvojit politihkalaš dásis.

Čuoldin regulerejuvvon guovlluin / dahje guovlluin mat čuvvot suohkanplána areálaoasi. Jus ohcan lea ollislaš meannudit áššiid jotkkolaččat ja ovttatmanos go meannudandivat lea mákson. Čuoldimat, mat leat dohkálaččat suohkanplána areálaloasi ektui, sáddejuvvojit gullevaš ossodagaid eiseválddiide.

Ohcamis galgá

  • Ollislaš devdon ohcanskovvi, mas lea dállo- ja doallonummar, kopiija ránnjádieđáhusas ja vuolláičállimiin.
  • Kárta, mii čájeha parsella. Das galget mihtut, guhkkodat ja govdodat, čuldojuvvon areálas. Galgá merket mot dasa beassá ja lea go iešheanalaš doallooassi vai liigeeanan juo mihtiduvvon eatnamii.
  • Čielggadit, mii áigumuš parsellain lea (viessu, luopmoviessu, ealáhusvisti jna.)
  • Visot huksensajiin, maid ohcet čuldojuvvot, galget dohkkehuvvon beassanvuogit almmolaš geainnus. Dát gullá sihke ođđa ja ovdalaš dohkkehuvvon beassanvuohkái, man šaddá viiddidit. Jus ferte nuppiid eatnamiid atnit dása ja čáhce- ja golggiidanrusttegiidda, ferte oažžut duođaštusa sis.
  • Dilleplána, mas leat mihtut, guhkkodat ja govdodat, sávvojuvvon čuoldimii, sáhtát viežžat  Se eiendom kommunekart.
  • Lassin sáhtát bidjat čálalaš čilgehusa, mas vuđoleappot čilget bajábealde namuhuvvon áššiid ja eará dieđuid, maid don jáhkát ávkkálažžan ohcama meannudeamis.

Áššemeannudanáigi

 Ássi galgá meannuduvvot nu jođánit go vejolaš ja siskkobealde áigemeriin, mat leat plána – ja huksenlága §21-7. Jus ohcamis leat váilevašvuođat, lassána meannudanáigi dainna áiggiin, mii adno lasihit dieđuid, vai ohcan lea ollislaš. Dábálaččat galgá suohkan mearridit dakkár áššiid ovdal go 12 vahku lea gollan. 12 vahku áigemearri gullá lohpeohcamiidda, mat gullet §§20 – 1 ja §20 – 4. Ohcamiidda, main lea sierraohcan, ii leat dát áigemearri.

Áššemeannudanáigi lea 3 vahku, jus lohpeohcan doaibma lea (phl §21 – 7 nubbi lađas):

  • Plána – huksenlága njuolggadusaid, láhkalasáhusaid ja áigeguovdilis areálaplánaid mielde,
  • mearkkašumiid haga ránnjáin ja gáidanránnjáin,
  • nu ahte ii dárbbaš lassi lobiid dahje sierra mieđiheami ja cealkámuša eiseválddiin

Ovdal go loahpálaš čálalaš mearrádus čuoldimii addo, buohtastahte pbl §21-4 guđát lađas ferte čađahan geatnegahtton máksimiid.

Mihtidangávpi
Jus beasat ásahit ođđa vuođđoeatnama, galgá mihtidangávpi čađahuvvot ja matrikkelreive čállot. Eananoasti dahje lágalaš eaiggát ferte, 3 jagi siskkobealde maŋŋel čuoldima mearrádusbeaivvi, bearrat mihtidangávppi. Eatnamiid registrerenláhka (matrikkelláhka)  bidjá  mearriduvvon máksimiid dákkár bálvalusaide.

Relevante søknadsskjemaer finner du på kartverkets side.

NKF:a bagadus - fradeling for opprettelse av ny eiendom