Dát gusto Áhkávatbálgái Olmmáivákkis, ja suohkan čujuha geaidnojohtolatláhkii:
§ 17 Mohtorfievrru geavaheapmi
Jus eará dieđut eai boađe ovdan láhkaásahusas § 17, de ii sáhte geavahit mohtorfievrruid dahje eará vuojániid jus eai leat dieđihuvvon sisačáliheapmái, jus eai leat lobálaš dovdomearkkat, ja jus mohtorfievrrus ii leat registtarkoarta. Registtarkoarta galgá álo leat mielde go mohtorfievru geavahuvvo. Jus mohtorfievrrut leat dieđihuvvon sisačáliheapmái muhto eai leat lobálaš dovdomearkkat, de ii sáhte guođđit daid badjel guokte vahku almmolaš, dahje priváhta luottaide mas leat almmolaš johtolatgalbat.
Mohtorfievrruid eaiggádat dahje earát geat geavahit daid eaiggáda bealis geatnegahttet sihkkarastit ahte sii geat besset geavahit muhtorfievrruid, devdet geavaheami eavttuid.
Guđđojuvvon mohtorfievrrut/ bargobiergasat leat sihke váralaččat johtalussii ja heahpat, dasa lassin hehttejit muohtaboltuma. Jus mohtorfievrrut/ bargobiergasat billehuvvet boltuma geažil, de šaddá eaiggáda ovddasvástádus. Govat čájehit guđđojuvvon biillaid Goržžis, muhto artihkal gusto buot guđđojuvvon mohtorfievrruide suohkanis.
Buot govat: Gáivuona suohkan
Jus leat jearaldagat, de váldde oktavuođa doaibmaossodagain.
