Suohkanpsykologa váldodahkamuš lea bargat mánáid ja nuoraid psykalaš dearvvašvuođain gitta 23 jahkásaččaid rádjai ja sin bearrašiiguin.

Psykologain lea vejolaš váldit njuolga oktavuođa ja ii dárbbaš čujuheami. Galgá leat oanehis vuordináigi, ja árvvoštallon vuordináigi ođđa čujuhemiide ođasmahttojuvvo dán siiddus.

Fálaldat lea nuvttá.

Suohkanpsykologa bargosuorgi
Suohkanpsykologa gidde fuopmášumi oktagasdearvvašvuhtii ja álbmotdearvvašvuhtii. Oktagasdásis sáhttá olmmoš oažžut dearvvašvuođaveahki juos vásiha psykalaš váivviid ja váttisvuođaid, lea fáhtehallamin psykalaš gillámušaide dahje lea losses eallindilálašvuođain. Sutnje sáhttá fállojuvvot guorahallan, neavvun dahje hohppilis dikšu. Psykologa sáhttá veahkehit sihke oktagaslaččat, bearrašis dahje searválaga eará deaŧalaš guimmiiguin. Juos leat losses psykalaš gillámušat mat dárbbašit earenoamáš divššu, de sáhttá suohkanpsykologa veahkehit nu ahte čujuha ovdamearkka dihte mánáid- ja nuoraidpsykiátralaš poliklinihkkii (MNP). 

Álbmotdearvvašvuođadiđolaš bargu mielddisbuktá earret eará kurssaid ja oahpahusa ja oassálastima suohkana plánabargui.

Fágaidrasttideaddji ovttasbargu
Suohkanpsykologa ulbmil lea bargat fágaid rasttá. Dát mielddisbuktá earret eará, ahte dilálašvuođain main dat adnojuvvo ávkkálažžan, jerrojuvvo olbmos mieđáhus álggahit ovttasbarggu ovdamearkka dihte fástadoaktáriin, dearvvašvuođadivššáriin, mánáidsuodjalusain, skuvllain ja mánáidgárddiin. 

Suohkanpsykologa báiki
Suohkanpsykologa kantuvra lea ráđđeviesus.Ságastallan psykologain geavvá dábálaččat Biertavári buhcciidsiidda nuppi gearddis, uksa lea seammá feaskáris go dearvvašvuođastašuvnnas. Álggahuvvo maiddái kantuvraáigi buot Gáivuona skuvllaide, dáid beaivemearit ja áigemuttut almmuhuvvojit dađistaga. 

Jávohisvuođageatnegasvuohta
Suohkanpsykologas lea jávohisvuođageatnegasvuohta.