Máŋggas leat ohcalan báikegottiid/giliid namaid oassin almmolaš čujuhusain, maŋŋel go goakte (measta) gait Gáivuona orrun- ja astoáiggeviesut leat ožžon bálgáid namaid čujuhusnamman. Gaskaboddosaččat lea vejolaš dušše ovtta čujuhusnama ovtta gillii atnit. Áidna vuohki oažžut sáme-, dáru ja kvenagiela nama oassin čujuhussii lea ohcat lassinama čujuhussii. 

Sii geat sihtet báikegotti/gili dahe siidda nama oassin čujuhussii, fertejit dieđihit suohkanii makkár gillii sii sihtet čujuhusa lassinama. Lassinamat čállojuvvojit matrihkkalii. Vuoigatvuođalaččat/láigoheaddjit geat eai atte dieđu suohkanii, eai oaččo lassinama čujuhusaidasaset.

Jus siđat lassinama (báikegotti/gili dahe siidda nama) mii juo lea dohkkehuvvon Kártadoaimmahaga báikenammaregistaris (SSR) de lassinamma lasihuvvo čujuhussii. Namma mii ii leat dohkkehuvvon (man stáhtus lea "ii dohkkehuvvon") Kártadoaimmahaga báikenammaregistaris, ii sáhte adnojuvvot oassin čujuhusas. Jus siđat nama mii ii leat almmolaš báikenammaregistaris, de Gáivuona suohkan álggaha nammaášši.

Dá leat muhtun ovdamearkkat. Beasat válljet jus siđat sámegiela/sámi, dárogiela/dáru, kvenagiela lassinama (báikegotti/gili/siidda nama) vai máŋggagielat nama (kombinašuvnna). Lassinamas eai galgga leat eanet go 25 čállinmearkka.

 

1. ovdamearka Sápmái (sámegillii) Dárrui (dárogillii) Sápmái ja dárrui
Namma Namma Goargu/Sohkanamma  Namma Goargu/Sohkanamma  Namma Goargu/Sohkanamma 
Lassinama maid siđat  Áibanášši Langnes Áibanášši/Langnes
Bálgá namma Langnesveien 165 Langnesveien 165 Langnesveien 165
Boastačujuhus 9147 Birtavarre 9147 Birtavarre 9147 Birtavarre
2. ovdamearka Sápmái (sámegillii) Dárrui (dárogillii) Kvenagillii
Namma Namma Goargu/Sohkanamma Namma Goargu/Sohkanamma Namma Goargu/Sohkanamma
Lassinama maid siđat  Junttanjárga Ysteby Junttaniemi
Bálgá namma Olderdalsveien 550 Olderdalsveien 550 Olderdalsveien 550
Boastačujuhus 9146 Olderdalen 9146 Olderdalen 9146 Olderdalen