Ut i Nord birra:
Jagi 2015 rájes lea Davvi-Romssa Olgoáibmoeallinráđđi heivehallan ja ovdanbuktán ođđa (ja muhtin boares) tuvraevttohusaid iešguđege lahttosuohkana nammii: Návutnii, Ráisii, Skiervái ja Gáivutnii. Juohke lahttosuohkan vállje jahkásaččat sullii 30 tuvrra main lea iešguđege losádusdássi iežas suohkanis mat oktiibuot dahket "Utinord-tuvrraid". Dát leat tuvrrat mat leat galbejuvvon, merkejuvvon, main lea boastakássa čohkas/loahpas ja maid sáhttá registreret olgonastinráđi siidduin maŋŋel. Registreren dáhkkojuvvo erenoamáš kodaiguin mat leat buot dán jagáš Utinord-tuvrraid boastakássain. Registrerenáigodat lea miessemánu 15. b. rájes golggotmánu 31. b. rádjái. Loga eanet dáppe: https://www.utinord.no/

Turbilde Skardalen

Olgunastineallin:
Gáivuona suohkanis leat alla várit, vuonat, vákkit, jogat ja miellagiddevaš kultureanadagat. Suohkan lea buorre vuolggasadji olu iešguđetlágan olgonastindoaimmaide. Dás vuollelis leat muhtin olgonastindoaimmat maid sáhttá dahkat Gáivuona suohkanis:

Vázzit dahje čuoigat várrečohkain.

Geahččalit sihkkelastit hástaleaddji sihkkelastinláhtuin, ovdamearkka dihte Sikksakk-luotta Moskugáissá ruvkkiid rájes (loga eanet láhttosihkkelastima birra dáppe: https://visit-lyngenfjord.com/no/sommer/sykkelferie-i-norge )

Sihkkelastit Suoma alimus vári rádjái, Háldi, ja de vázzit bajás (loga eanet mátkki birra dáppe: https://www.utinord.no/turar/204220 )

Meallut seammás go várdát Ittugáissáid.

Vázzit Davvi-Romssa stuorimus sieiddi, Nissonašgálu, rádjái dan našuvnnalaš válljejuvvon kultureanádagas, Skárfvákkis.

Vázzit kulturhistorjjálaš mátkkiid Baalsrud-bákterokki luhtte, Spoahkkanjárgga riddoladnerusttega luhtte ja Dálusvákkis.