Kurssas galget studeanttat máhttit njálmmálaččat ja čálalaččat muitalit oppalaš árgabeaivválaš ja servodatlaš fáttáid birra. Studeanttat galget máhttit čállit guhkit ja máŋggadáfot teavsttaid sámegillii, ja lohkat ja ipmirdit máŋggadáfot teavsttaid mat leat čállojuvvon eatnigielagiid várás. Njálmmálaš ja čálalaš eksámen. Jus áiggut váldit eksámena, de fertet leat dohkkehuvvon studeantan ja oažžut dohkkehuvvon geatnegáhttun bargobihtáid. Kursa eaktuda ahte leat čađahan SAM-1031 ja SAM-1034, dahje sullásačča. Kursa lágiduvvo ovttasráđiid UiT Norgga árktalaš universitehtain, nu ahte lea vejolaš váldit eksámena UiT bokte geasset 2024.
Loga eanet oahppofáladaga SAM-1036 birra dás: kursa.oahpa.no
Jus áiggut váldit eksámena giđđat 2024 oažžun dihte 20 oahppočuoggá, de ferte UiT Norgga árktalaš universitehta vuos leat dohkkehan du studeantan. Don ozat alccesat dohkkehusa lohkat sierra gurssa (9199 sierra gursa, ii reálafága), vuolit gráda. Dábalaš neahtavuđot fáttát. Loga eanet ohcanproseassa birra dás: https://uit.no/utdanning/opptaksinfo#kapittel_711477
Jus áiggut váldit eksámena, de lea áigeamearri guovvamánu 1.b. 2024
Ohcanportála lea rabas áigodagas skábmamánu 1.b. 2023 - juovlamánu 1.b. 2023
Kursa álgá: Ođđajagimánu 2024 Olmmáivákkis.
Don fertet maiddai dieđihit alccet Giellasiidii ovdal juovlamánu 1.b. 2023
Eanet dieđut ja dieđiheapmi: giellasiida@kafjord.kommune.no dahje tlf. 77 71 93 80
Gáivuona suohkana bargit sáhttet ohcat virgelobi bálkkáin searvat kursii.
Gáivuona suohkanis lea dán doarjjaortnega:
·Kursadoarjaga sámegiella.
Doarjjaortnega ulbmil lea addit Gáivuona orruide ekonomalaš vejolašvuođa oahppat sámegiela. Vánhemat geain leat mánát mánáidgárddis ja vuođđoskuvllas vuoruhuvvojit.
Váldde oktavuođa sutnje: Inger M. Åsli tlf. 77719232, dahje inger.marie.asli@kafjord.kommune.no
