Sierralohpebagadallan man Norsk Kommunalteknisk Forening (NKF) lea hábmen – dieđut doaimmaheaddjái ja ohccái: 18-Dispensasjn+-+rev+juni+2020.pdf
Maid galgá sáddet go ohcá sierralobi
Molssaeaktu 1
Go ohcá álggahit doaimma, sáhttá bidjat sierralohpeohcama mielddusin huksenohcamii. Lea gáibádus ránnjáide, geaidda dieđiha doaimma birra huksenáššis, maiddái dieđihit sierralohpeohcama birra.
Molssaeaktu 2
Iešheanalaš sierralohpeohcan. Go lea sierra ohcan sierralohpái, mii ii čuovo huksenohcama, galget mildosat biddjot ohcama mielde.
Mildosat mat galget čuovvut sierralohpeohcama
- Ránnjádiehtoguite
- Sárgumat
- Dilleplána (kártabihttá)
- Vejolaš cealkámušat/ mearrádusat eará eiseválddiin (gč. ÁŠŠI 10 §6-2).
Kártabihttá galgá álo mielddusin. Ii soaitte dušše suohkan, mii galgá árvvoštallat sierralobi, ja danne lea mávssolaš buriin kárttain čájehit gos doaibma lea.
Cealkámuš sáhttá omd. leat Stáda geaidnodoaimmahagas, mas lea iežas ohcanproseassa luoddaearuide ja doaimmaide siskkobealde huksenráji, mii guoská riikka – ja fylkkageainnuide. Dá lea ohcanskovvi.
Áigeperspektiiva
Sierralohpeohcamiid ádjánit meannudit 12 vahku (ÁŠŠI 10 § 7-4)
Mii sáhttá váikkuhit áigemearrái
Suohkan sáhttá guhkidit áigemeari, jus ášši lea earenoamáš váttis, gáibida liige politihkalaš čielggadeami dahje jus ferte bievlan guorahallat (ÁŠŠI 10 § 7-4).
Mii gáibida gulaskuddan
Go ohcá sierralobi regulerenplánas, ii gáibit gulaskuddama ovdal go meannuduvvo politihkalaččat, jus ii leat earenoamážit namuhuvvon regulerenplánas ahte bajit eiseváldi galgá leat gulahallanoasálaš.
Go ohcá sierralobi suohkanplánas, dávjá gáddeoasis dahje eanadoallo-, luondo-, olgodaddan- ja boazodoalloguovllus (LNFR), gáibiduvvo gulaskuddan bajit eiseválddis. Áššemeannudanáigi ii gola jus ohcan sáddehuvvo cealkámuššii stádalaš ja guovllu eiseválddiide, buohtastahte plána -ja huksenlága§ 19 -1. Bajit eiseválddis lea gitta 4 vahku buktit cealkámuša (ÁŠŠI 10 § 7- 5).
