Ođđa rahpanáiggit leat:
08.30 – 10.00 (nu movt ovdal)
12.30 – 14.00 (árabut go ovdal)
Praktihkalaš sivaid geažil lea áigi lunša maŋŋel rievdaduvvon, muhto diibmolohku gal bissu nu mot lea leamaš.
Muittuhit ahte olaha doavtterbálvalusa maiddai digitálalaččat https://www.helsenorge.no nammasaš neahttasiiddus.
Neahttasiiddus beassá diŋgot doavtterdiimmu digitálalaččat, muhto jus ii gávnna rabas diimmu, de sáhttá aŋkke sáddet jearaldaga dan birra.
HelseNorge neahttasiiddus beassá maiddai diŋgot reseapttaid, dahje jearrat álkes praktihkalaš jearaldagaid.
Mii dieđihit maiddai ahte boahtá šaddat unniduvvon doaibma doavtterkantuvrras doaktáriid ja dearvvašvuođačálliid luomu geažil, gusto vahku 26 rájes (maŋimus vahkku geassemánus) ja gitta vahku 34 rádjai (nubbin maŋemus vahku borgemánus). Dát boahtá čuohcat telefovdnaoktavuhtii, doavtterdiimmuide ja maiddai varraiskosiid vuordináiggiide.
Ustitlaš dearvvuođat
Anita Monsen Pedersen
Gáivuona suohkana váldodoavttir
