Gearggusvuođadieđut

• Vai plánejuvvon ja ráhkkanuvvon doaimmat leat sajis jus juoga dáhpáhuvvá, mii ii leat čadnon beaivválaš plánejuvvon doaimmaide.
• Ráhkkaneapmi unnida váikkuhusaid jus juoga earenoamáš dáhpáhuvvá, mii lea váddun olbmuide, rusttegiidda ja birrasii.
• Sihkkarastit ahte juohkehačča meannudit gudnejahttimiin ja ahte servodatsihkkarastinbarggus ja gearggusvuođas lea ehtalaš vuođđu.
• Veahkehit Norgga ollislašsuodjaleami.

Jus lea stuorit dáhpáhus dahje iežá áigeguovdilis gearggusvuođdadieđut, mat gusket Gáivuona suohkanii, almmuhuvvojit dát Preassadieđáhusat gearggusvuohta: https://www.kafjord.kommune.no/cppage.445092.se.html

Jus lea dárbu, dieđihit suohkana ássiide teakstadieđuin mobiilatelefovnnas.  Dus lea vejolašvuohta bidjat iežat nummara, ja dárkkistit ja rievdadit iežat dieđuid Everbridge – portálas, mii hálddaša oktavuohtadieđuid; https://resident.everbridge.eu/?o=CCCCCVmVs

Ráhkkanahte gearggusvuođat: Råd om egenberedskap

Suohkandiektørii / gearggusvuođajođihangoddái dieđihuvvo, juogo njuolga dahje suohkana fáktatelfovnna 412 80 000 bokte  go politiija dahje eará eiseváldi lea árvvoštallan dili. Suohkandirektøra árvvoštalla dáhpáhusa viidodaga, jus orru dárbu gohčču earáid suohkana gearggusvuođajođihangottis ja dárbbašlaš fágaolbmuid, sihke suohkanis ja olggobealde, boahtit.

Buollin ja stuorat lihkohisvuođat – 110
Politiija ja gádjunguovddáš– 112
Ambulánsa dálkkaslaš heahtetelefovdna - 113 

Jus lea viiddis lihkohisvuohta, heahtedilli dahje roassu sáhttá sátnejođiheaddji/ suohkandirektøra mearridit ásahit gearggusvuođajoavkku. Gearggusvuođajođihangottis Gáivuonas galget dušše leat olbmot, geat barget suohkanis, ja dán joavkkus galget ovttas dahkát dárbbašlaš árvvoštallamiid ja mearrádusaid heahtedilis.

Suohkana gearggusvuođajođihangoddi:

• Sátnejođiheaddji/ várresátnejođiheaddji Bernt Eirik Isaksen Lyngstad/ Svein O. Leiros
• Suohkandirektøra Gunn Andersen
• Sadjásaš gearggusjođiheaddji / bálvaluskontuvrra jođiheaddji Greta Larsen
• Sadjásaš suohkandirektøra Bjørn – Even Salamonsen
• Gaskaáigásaš suohkanhoavda doaibma/ ovdáneapmi Birger Olsen
• Suohkanhoavda bajásšaddan Marina Olsen
• Suohkanhoavda dearvvasvuohta Linn Sylvi Steinnes
• Gearggusvuođaráđđeaddi Viktoria Larsen /  (Karin Karlsen)

Iežá ”fágaolbmot” suohkanbargit dahje earát, geaid oaidnit dárbbašlažžan, omd.: GIS-/ kártadoaimmaheaddji, diehtočálli ja diehojuohkin/ mediabargoveahka.

• Manne iešgearggusvuohta?
  Sihkkarastit buori iešgearggusvuođa lea ávkkálaš du ja du lagamuččaid oadjebasvuhtii. Leat maiddái mielde veahkeheame suohkana ja eará eiseválddiid vuoruhit sin, geat dárbbahit eanemus veahki.
   
• Don leat ráhkkanan go heahti šaddá ja veahkehat Norgga ollislašsuodjalusa.

Ovdamearkkat mat heahtedilit sáhttet leat:

• Máŋga beaivvi čázi haga go guovddáš oassi čáhceinfrastruktuvrras billahuvvá.
• Elrávdnji jávká viidát máŋga beaivvi go muhtun billista elrávdnjerusttegiid mieleavttus.
• Mobiilafierpmádat, interneahtta ja elektralaš báŋko – ja máksinčovdosat eai doaimma cyberfalleheami geažil.
• Sosiála gidden go nuorvovirus leavvá de go pandemiija.
• Go ii leat vejolaš vuoddjit geainnuid earenoamáš heajos dálkki geažil.
•  Unnán dálkasat ja iežá dárbbašlaš gálvvut go váráiduhttinráidu ii doaimma.
• Ávžžuhus bissut viesus atomalihkohisvuođa geažil.

Iskanlistu iešgearggusvuhtii – maid dárbbašat vahkku

• Ráinnas čáhci man leat vurken lihtiide ja bohttaliidda.
• Biebmut mat girdet vurkejuvvot latnjatemperatuvrras.
• Grilla, vuoššanrusttet dahje dálkegievkkan.
• Biktasat maiguin bivvá, ránut, gokčasat ja oađđenbusset.
• Riššat ja gintalat.
• Muorat jus dus lea omman.
• Gássa – ja parafiidnaomman, mii lea molssaeaktun muorraommanii.
• Šiehtadit idjasaji jus dus ii leat molssaevttolaš liggenvejolašvuohta.
• Lummalámpá dahje oaivelámpá, mii doaibmá batteriijain, beaiveseallain dahje eará ládje.
• DAB – radio, mii doaibmá batteriijain, beaiveseallain dahje eará ládje.
• Dálkasat ja vuosttáš heahteveahkkebiergasat.
• Jodetableahtat (guoská mánáide ja rávis olbmuide vuollel 40 jagi, áhpehemiide ja njamaheddjiide).
• Hygienabiergasat nu go lávttasduhkut, giehtaspriita, ravssat, hivssetbábir ja mensagálvvut.
• Batteriijat ja láddejuvvon batteriijabáŋku.
• Veháš ruhta ja máŋga máksinkoartta.
• Biebmu ja čáhci biebmoelliide.
• Báberlistu mas leat dárbbašlaš telefovdnanummarat nu go omd. heahtenummar, doavttir, elliiddoavttir, lagamusat, olbmát ja ránnját.

Jus dieđát muhtima, gii ii soaitte nákcet láhčit alcces iešgearggusvuođa, de veahket su áinnas dáinna.

DSB:a siidduin gávnnat eanet dieđuid ja video, mas lea dieđut seavagillii ja lea tekstejuvvon: https://www.dsb.no/sikkerhverdag/