Digitála álbmotčoahkkin- Suohkanoasseplána energiija ja dálkkádaga várás Davvi- Romssas
Informasjon
Borgemánu 25.b.2021 dii. 18:00 lágiduvvo oktasaš digitála álbmotčoahkkin mas plánaevttohus buktojuvvo ovdan ja čilgejuvvo. Go čoahkkin čađahuvvo Teams bokte, de lea dehálaš ahte buot berošteaddjit dieđihit iežaset čálalaččat. Dieđiheapmi merkejuvvo «påmelding folkemøte» ja sáddejuvvo čujuhussii post@lyngen.kommune.no, áigemearri lea borgemánu 25.b. dii 08:00.
Vai addit vejolašvuođa sidjiide geat eai soaitte leat nu čeahpit interneahtain searvat digitála čoahkkimii, de livččii buorre jus báikkálaš joavkkut/searvvit čohkkejit olbmuid lagasbirrasis giliviesuide/ servvodatviesuide jna.
Dieđiheapmi galggašii sisttidoallát dáid dieđuid:
- Namma ja dieđut lea go son gii searvá priváhta olmmoš dahje joavkku/searvvi bealis
- E-poastačujuhus ja telefovdnanummár
Bovdehus sáddejuvvo liŋkka bokte sidjiide geat leat dieđihuvvon čoahkkimii.
Plánaevttohus lea ovttasbargu gaskkal suohkaniid Návuona, Ráissa, Skiervvá, Gáivuona, Omasvuona ja Ivgu. Rambøll nammasaš konsuleantafitnodat lea veahkehan ráhkadit plánaevttohusa ja buktá dan ovdan čoahkkimis.
Jus leat jearaldagat čoahkkima dahje čađaheami birra, de lea vejolaš váldit oktavuođa Ivgu suohkaniin telefovdnanummára 77701000 bokte, dahje maila bokte čujuhussii post@lyngen.kommune.no
Mii illudit čoahkkimii ja lea maid vejolaš priváhta olbmuide/joavkkuide/servviide buktit ovdan jearaldagaid.
Bures boahtimat!
Høringsperioden er nå avsluttet, det er derfor ikke lenger mulig å gi uttale på denne planen.
Send skjult uttalelse
Din høringsuttale til planen vil bli registrert i kommunens sak- og arkivsystem. Meldingen publiseres ikke.