Vuolláičálli ja Suohkana bajásšaddanjođiheaddji čađaheigga bearráigeahču buot suohkana mánáidgárddiin ja skuvllain mánnodaga ja disdaga ja gávnnaheigga ahte leat buorit rutiinnat sajis njoammunsuodjalusa várás našunála bagadusaid ektui. Háliidedne rámidit rektoriid ja mánáidgárddiid jođiheddjiid go leat ožžon sadjái nu ollu rutiinnaid ja doaibmabijuid oanehus áiggis, ja bargiid áigumuš čađahit doaimmaid.

Mánát geait deaivvaime ledje hui diđolaččat njoammudávddaid eastádandoaibmabijuin ja máilmmi čeahpit vuhtiiváldit guhtet guoimmiset.

Dattege, go skuvllat ráhppet buot luohkkácehkiide, šaddá njoammudávddaid eastádandoaibmabijuid ohppiid gaskka meastá vedjemeahttun bussefievrridemiin skuvllaide ja ruoktot fas, go eanáš bussiin dábalaččat leat olu oahppit.

Skuvlabussiid njoammudávddaid eastádandoaibmabijuid ektui bivdit buot ohppiid geat sáhttet vázzit dahje sihkkelastit skuvlii dahkat dan, dan dihte go galget leat unnit oahppit bussiin ja dasa lassin vejolašvuođat sidjiiide geat dárbbašit dan doallat doarvái gaskka earáide.

Seammás bivdit váhnemiid unnidit ohppiid doalvuma skuvlii trafihka geažil ohppiide geat vázzet ja sihkkelastit.

Oahppit mánaid- ja nuoraidskuvllain lea dábalaččat riekti oažžut nuvtta skuvlasáhtu jus skuvla ja ruovttu gaska lea guhkit go 2 km vuosttášluohka mánáide, dahje 4 km earáide 2- 10 luohkas. Gáivuonas lea suohkana gielddastivrras mearriduvvon ahte buot ohppiin lea riekti oažžut skuvlasáhtu.

Seammá áigge lea álbmotdearvvasvuođageahččanguovllu ektui dehálaš lasihit olbmuid beaivválaš doaimmaid, nu ahte dát lea álkkes vuohki veahkehit dan dahkat.Portrett av kommuneoverlege Anita Monsen Pedersen

 

Dearvvuođaiguin 

Gáivuona suohkana váldodoaktáris                                                                     08.05.2020