Gaskaboddosaš láhkaásahus gieldá dola dahkama, nu go dolasteami, grilla, stoarbmagievkkana, eará vuoššanapparáhtaid, ja dollabánnuid geavaheami. - Dát guoská muoraid, brikeahtaid, rásiid, rissiid ja sullasaš ávdnasiid boaldimii vuovddis ja meahcis dahje nu lahka ahte dat álkit sáhttá leavvat viidásabbot eatnamii.
Seamma guoská gilvojuvvon eatnamiidda. Gilvojuvvon eatnamat leat dán láhkaásahusas: dállodoallu, gilvojuvvon eanan, niitu ja kulturguohtoneana ja sullasaš guovllut. Dát mearkkaša ahte dál ii leat lohpi geavahit fásta ja láhččojuvvon dollasajiid Ivgus, Gáivuonas ja Omasvuona suohkanis.
Eanaeaiggádat geat leat ásahan dollasajiid, juogo priváhta dahje almmolaš, fertejit giddet daid vai ii sáhte geavahit daid.
Son guhte iešmielaid dahje ávvirmeahttumit rihkku láhkaásahusa sáhttá ráŋggáštuvvot sáhkuin dahje giddagasain buollin- ja bávkkihansuodjalanlága § 42 ektui. Man guhká bistá erenomáš gielddus?: Gaskaboddosaš láhkaásahus bistá borgemánu 15. beaivvi 2024 rádjái. Jus vuovdebuollinvárra geahpeduvvo mealgat, de árvvoštallojuvvo ahte láhkaásahus fámohuhttojuvvo árabut. Heaittiheapmi almmuhuvvo seamma ládje go dát láhkaásahus.
