Apotek 1 Lyngenfjord nammasaš fitnodat rabai skábmamánu 2020 ođđa filiála Ivgumuotkkis, sis lea maid vejolašvuohta addit apotehkafálaldagaid Gáivuona orruide.
Apotehka sáhttá guktii vahkus sáddet rámbuvrraide ja maiddai ruovttuide sihke reseapttaid ja apotehkagálvvuid masa ii dárbbaš reseapttaid.
Dán rádjai lea šiehtadus Joker Biertaváriin ja Joker Olmmáivákkiin sáddet apotehkagálvvuid. Apotehka galgá maid iskat vejolašvuođa oažžut sadjái šiehtadusa rámbuvrrain Dálusvákkis.
Tlf: 77 71 01 10
Sáddejupmi rámbuvrraide ja ruovttuide: disdagaid ja duorastagaid
Diŋgojupmi ferte leat sajis apotehkas maŋimustá dii. 17 beaivvi ovdal jus galgá garvit ahte boahtá easka boahtte sáddehusa mielde.
Jus galgá sáddejuvvot ruovttuide, de ferte soames váldit vuostá dan go ii sáhte biddjojuvvot boastagássaide jna.
Haddi viežžat rámbuvrras: 45 kr
Haddi sáddejuvvot ruoktut: 149 kr
Apotehka savvá ovddemuččat ahte gálvvut máksojuvvot VIPPS bokte. Jus leat diŋgon ruoktut, de lea vejolaš máksit koarttain go boastaolbmos lea terminála fárus.
Apotehka fállá maiddai ságastallama dálkasiid birra ja čilgejumi mot geavahit inhalašuvnna dálkasiid jna.
Jus diŋgo reseapttaid doaktárkantuvrra bokte: Jus háliida ahte dálkasat galget sáddejuvvot dán apotehkas, de sáhttá dan birra addit dieđu doaktárkantuvrii.
Diehtun.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
