Gáivuonas nu go eará sajiin riikkas boahtá šaddat nu ahte eatnasat ja eatnasat bohtet njoammuduvvot koronavirusinfekšuvnnain, ja dát čuohcá boahkuheami dárbui ja goas rávvejuvvo boahkuhuvvot maŋŋel go lea leamaš korona.
Gorut šaddá immuvdna korona vuostá sihke go lea boahkuhuvvon ja jus lea leamaš korona, mii fas dagaha ahte ii njoammuduvvo nu álkit fas ja suddje njoammuma vuostá. Riska buohccát duođalaččat virusa geažil maid unniduvvo.Jus aiddo lea leamaš buohcci koronavirusa geažil, de ii dárbbaš boahkuhuvvot nu jođánit go infekšuvdna iešalddis boahtá suddjet goruda. Álbmotdearvvašvuođainstituhtta rávvagiid mielde galgá vuordit boahkuhemiin unnimustá 3 mánu maŋŋel go lea leamaš buohcci koronavirusa geažil.
Koronapássa lea gustovaš jus orrut leat boahkuhuvvon guvttiin dosain unnimustá golbma vahku gaskkain, dahje ovttain dosain ja jus lea buohccán koronavirusa geažil golbma vahkku siskkobealde. Muhto positiivvalaš PCR iskkus lea dušše bistevaš 180 beaivvi koronasertifikáhtas, dalle dárbbaša boahkuheami dosa vai sertifikáhtta galgá leat gustovaš. Sii geat leat ollásit boahkuhuvvon eai dárbbaš jurddášit dan birra, go ii leat mearriduvvon man guhká sertifikáhtta bistá dalle.
Boahkuheami ráđđenvuohki maŋŋel korona
Geat |
Mot |
Nuorat gaskkal 12-15 jagi |
Rávvejuvvo ahte eai boahkuhuvvo |
Nuorat gaskkal 16-17 jagi |
1 dosa 3-12 vahku maŋŋel buozalmasvuođa |
Rávesolbmot 18+ jagi geat eai leat boahkuhuvvon |
1 dosa 3-12 vahku maŋŋel buozalmasvuođa. Rávvejuvvo boahkuhuvvot ođasmahttindosain 3-6 mánu dan maŋŋel |
Rávesolbmot 18+ jagi geat leat boahkuhuvvon ovttain dosain |
3. dosa (ođasmahttindosa) rávvejuvvo 3-6 manu maŋŋel buozalmasvuođa |
Rávesolbmot 18+ geat leat boahkuhuvvon guvttiin dosain |
Jus lea buohccán koronavirusa geažil unnimustá 3 vahku maŋŋel 2. dosa, de rehkenastojuvvo ođasmahttindosan. Muhto koronasertifikáhtta lea dušše gustovaš 180 beaivvi. Jus sertifikáhtta ain galgá leat gustovaš, de ferte ođđasit boahkuhuvvot 3-6 mánu maŋŋel buozalmasvuođa. |
Rávesolbmot geain lea hedjonan vuostálastinnákca dávddaid vuostá |
Lea boahkuhuvvon vuođđodosain maŋŋel 3 immunologalaš dáhpáhusa (vaksiidna/ ja dahje buozalmasvuohta), mas interválla lea unnimustá 3 vahku juohke dáhpáhusa gaskka. Ođasmahttindosa šaddá dalle njealját dáhpáhus ja rávvejuvvo unnimustá maŋŋel golbma mánu.
|
Ustitlaš dearvvuođat
Anita Monsen Pedersen
Gáivuona suohkana váldodoavttir