Gearggusvuođastivrras mearriduvvui odne almmuhit preassadieđáhusa vai muittuhit olbmuid man dehálaš lea čuovvut njoammunsuodjalusa njuolggadusaid.
Gáivuonas leat iskan oktiibuot 150 olbmo cuoŋománu álggu rájes ja sullii 1/3- nappo lagabui 50 olbmo leat iskojuvvon dušše maŋimus vahku. Mis lea, nu go mun ipmirdan treanda nu go eará suohkaniin maid gos eanet ja eanet leat váldán iskosa.
Vai nagodit gávnnahit gos gávdno covid-19 njoammu ja kontrolleret dan, de lea dehálaš ahte olbmot ain jotket váldit iskosa. Giitu buohkaide. Mis lea ain kapasiteahtta iskat vel eanet olbmuid juohke vahku.
Nu go oidno go leat iskan nu oallugiid maŋemus áiggi, de lea maid dábálaš čakčanuorvu dál mas maid lea njoammu. Čakčanuorvu gal beassá njoammut álbmogii mii lea oalle váivi gearggusvuođastivrii.
Koronavirusnjoammu sáhttá leavvat liikka jođánit go dábálaš nuorvu jus olbmuin lea positiiva covid-19 iskos. Juos geavvá nu, de ferte fas báikkálaččat giddet gilážiid dassážii go fas lea kontrolla njoamudilálašvuođas.
Muitte fal dábálaš dábiid mat eastadit koronavirusnjoamu. Deháleamos lea ahte ii mana gosage vaikko lea dušše veahá nuorvu.
Olbmot lávejit jáhkkit ahte jus lea negatiiva koronavirusiskkus, de ii dárbbaš šat leat errenáiggis. Errenáigi lea dearvvas olbmuide geain eai leat dávdamearkkat muhto soitet njommon koronavirusii. Jus lea nuorvu, de galgá aŋkke leat ruovttus dassážii go lea áibbas dearvvas beroškeahttá vástádusa iskosis. Isolašuvdna lea sidjiide geain lea positiivva koronavirusiskos.
Vaikko olbmuin ii leat duođaštuvvon koronavirusnjoammu, de boahtá dábálaš nuorvu dagahit ođđa buozalmasjávkamiid ja eahpesihkarvuođa maiddai sidjiide geain lea negatiiva koronavirusiskos.
Muitte ain doalahit gaskka earáide ja buori giehtabuhtisvuođa.
Dearvvuođaiguin
Anita Monsen Pedersen
Gáivuona suohkana váldodoavttir
