Mun sáhtán ilolaččat muitalit ahte mii Gáivuona suohkanis álggahit vaksinerema covid-19 vuostá 1. vahku ođđajagimánus ja oažžut vahkkosaččat ođđa váksiidnadosaid. Juohke sáddehusas leat dušše moadde dosa, nu ahte boahtá mannat moadde vahku ovdal go buot buhcciidsiidda orrut leat vaksinerejuvvon.

Ođđajagimánu/guovvamánu mánnomolsumis galget sii leat vaksinerejuvvon ja dalle sáhttá álgit vaksineret earáid álbmotdearvvasvuođa vuoruhanlisttu mielde. Dieđut makkár joavkkuide lea vejolaš oažžut vaksiinna ja mot dieđihuvvot dasa almmuhuvvo áiggi mielde.  

Boarrásepmosat (Sii geat leat badjel 85 jagi) ožžot vejolašvuođa vaksinerejuvvot ođđajagimánu mielde ja mii sávvat ahte sii geat leat vuollel 85 jagi ožžot veahki čuovvut mielde juogu bearraša dahje fierpmádaga/ mediaid bokte goas lea vejolaš dieđihuvvot vaksineremii.  Mii ávžžuhit nuoraid veahkeheamis boarrásiid čuovvumis mielde dás.   

 Dás leat dieđut álbmotdearvvasvuođainstituhtas vaksiinna birra

Mun háliidan giitit buohkaid Gáivuona suohkanis veahki ovddas čuovvumis njoammudávddaid easttadeami doaimmaid dán jagi. Mis ii leat vel duođaštuvvon covid-19 njoammun, sivvan dasa lea go olbmot leat leamašan nu čeahpit čuovvut rávvagiid ja soaitá dieđusge leat veahá lihkku maid váikkuhan dasa. Dál mii leat okta dain 27 suohkaniin gos ii leat duođaštuvvon covid-19.

Ođđa jahki álggahuvvo optimisttalaččat vaksinerema álggahemiin ja mii sávvat ahte optimisma dušše loktana giđajahkebeali čađa.

Buorit juovllat ja buorre ođđa jahki didjiide buohkaide!

Ustitlaš dearvvuođaiguin

Anita Monsen Pedersen           

Gáivuona suohkana váldodoavttir