Hopp til toppmenyen på siden Hopp til hovedinnholdet på siden
Velg språk: Bokmål Samisk
2. februar:

Kåfjord kommunes offisielle joik - Innspill om aktuelle joiker innen 31.mars d.å.

Ođđajagimánu 4.b álggahuvvot ođđa sisriikkalaš njoammudávddaideastadeami doaimmat

 

Dás gávnnat liŋkka

Vai doalahit kontrolla covid-19 dávdda leavvamis ja ráddjet njoammuma, álggahuvvot čavgadut sisriikkalaš gaskaboddosaš njoammudávddaideastadeami doaimmat mat bistet guokte vahku ođđajagimánu 4.b rájes.

– Mii leat vásihan maŋŋel juovllaid ahte eai nu ollugat go ovdal váldde iskosa ja positiivva iskosat lassánit.  Dál lea covid-19 njoammugoahtán ja orru leavvame ođđa guovlluide. Mun bivddán buohkaid leat mielde veahkeheame garvit ođđa njoammuma, dadjá stáhtaministtar Erna Solberg.    

Dearvvašvuođadirektoráhta ja Álbmotdearvvasvuođainstituhta rávvagiid vuođul lea ráđđehus mearridan čavget njoammuneastadandoaimmaid ja justeret dálá sisriikkalaš ávžžuhusaid. Dan dahket vai suohkaniidda lea vejolaš gieđahallat báikkálaš njoammuma ja oažžut eanet kapasitehta čađahit iskosiid. Olgoriikka mátkkošteaddjit fertejit maid registrerejuvvot dál.

Dearvvašvuođa- ja fuolahanministtar Bent Høie dadjá ahte ulbmil ođđa čavga doaimmaiguin lea bissehit virusa leavvamis.  Buohkat fertejit dál bidjat sosiála eallima vuordimii goit guokte vahku ovddasguvlui nu ahte šaddá dego sosiála ođđajagiboddu buohkaide. Doaimmat bistet guokte vahku vai oaidnit buorrána go dilálašvuohta. Suohkanat dárbbašit maid áiggi ja resurssaid plánet ja čađahit vaksineren álggaheami mii lea stuora ja dehálaš bargu. Suohkaniidda šaddá váttis dilli jus fáhkkesdaga šaddet olu báikkálaš njoammumat, dadjá loahpas.     

 

Ávžžuhusat buohkaide olles riikkas

Sosiála oktavuođat

  • Ale váldde vuostá gussiid iežat geahčái. Vuordde 14 beaivvi ovdal go finat guossis. Spiehkastahkan leat vealtameahttun ruovttubálvalusat ja fitnamis olbmuid geahčen, geat leat eallima maŋimuš muttus. Sii geat orrot okto sáhttet váldit vuostá guokte dihto olbmá dahje bearraša, dahje fitnat sin guossis. Mánát, geat vázzet mánáidgárddi dahje mánáidskuvlla, sáhttet váldit vuostá gussiid iežaset joavkkuin (Ođđa)

 

  • Buot organiserejuvvon astuáigedoaimmaid, valáštallandoaimmaid, kulturdoaimmaid ja eallinoaidnočoahkkanemiid, maid lágidit siste, ávžžuhit maŋidit ođđajagemánu 18. beaivvi rádjai. Dat guoská maid buot sisdoaimmaide, maidda čohkkejit mánáid ja nuoraid, geat gullet iešguđet luohkáide/joavkkuide (Ođđa)
 

Mátkkit

  • Ale mátkkoš sis- ja olgoriikkas, jus ii leat vealtameahttun. Ávžžuhusat eai guoskka orrumis barttas ovttas olbmuiguin, geat gullet seammá dállodollui, go čuovvu riikkaviidosaš rávvagiid ja njuolggadusaid, mat leat fámus.
 
 

Skuvllat ja oahppu

  • Buot oahpahusat ja plánejuvvo lágideamit universiteahtain, allaskuvllain ja fágaskuvllain galget lágiduvvojit digitálalaččat gitta ođđajagemánu 18. b. rádjai. (Ođđa)
  • Buot riikka joatkkaskuvllat ja nuoraidskuvllat mannet rukses dássái. (Ođđa)
  • Eai addojuvvo riikkaviidosaš ávžžuhusat álbmotallaskuvllaid dahje biibbalskuvllaid giddemii. Álbmotallaskuvllat čuvvot báikkálaš dearvvašvuođaeiseválddiid ávžžuhusaid ja rávvagiid.
 
 

Bargosajit

  • Buohkaide geaidda lea vejolašvuohta, galget bargat ruovttukantuvrras. (Ođđa)
 
 

Gávppit

  • Buot gávpeguovddážiin ja gávppiin berrešii leat systema mii ráddje galle olbmo besset boahtit sisa, vai lea vejolaš doallat gaskka ja gozihit geat bohtet sisa. Ráđđehus árvvoštallá lagamus beivviid siste galgágo láhkaásahusain nannet ráddjehusa gallása beassá luoitit sisa ja vai sáhttet gozihit sisaboahtima. (Ođđa)
 
 

Valáštallamat

  • Lea vejolaš čađahit olgodoaimmaid jus lea sáhttá doallat buori gaskka.
  • Njuolggadusat eai gusto njunušvaláštalliide ja kulturbargiide, geat luvvejuvvojit sierra spiehkastagain ja muddemiin.
 
 

Olles riikka njuolggadusat

Priváhta ja lágideamit doalut

  • Eanemustá vihtta olbmo sáhttet fitnat priváhta doaluin olggobealde ruovttu, ovdamearkka dihte riegádanbeaidoaluide laigojuvvon lanjaide. Jus ovtta viesus leat eanet go vihtta olbmo, de sáhttet buohkat fitnat doaluin. (Ođđa)
  • Eanemustá logi olbmo siste lágiduvvon valáštallandoaimmaide, kulturdoaimmaide, semináraide, eallinoaidnočoahkkanemiide, seremoniijaide jna., Aŋkke 200 olbmo jus stuolut leat monterejuvvon gitta. Hávdádusain sáhttet leat eanemustá 50 olbmo, vaikko stuolut eai livččege gitta. (Ođđa)
  • Eanaš dáid lágidemiin eai liikkáge čuovo riikkaviidosaš ávžžuhusaid, ja nu berre daid maid maŋidit dahje šluhttet.
 
 

Olgobáikkit ja guossohanbáikkit

  • Ásahuvvo riikkaviidosaš gielddus alkohola guossoheapmái olgobáikkiin ja lágidemiin. (Ođđa)
 
 

Girkus váccašeapmi

  • Girkus váccašeami erenoamáš njuolggadusat fámuhuhttojit vajot, dan sadjái go ođđajagemánu 15. beaivve. (Ođđa)
 
 

Ođđa doaimmat gielddain ja guovlluin, main leat ollu njoammumat

Ráđđehus lasiha eanet doaimmaid, maid gielddat ja guovllut, main dávda lea njommon ollu, berrejit árvvoštallat álggahit.

  • galgetgo mánáidskuvllat ja mánáidgárddit čuovvut “rukses dási” bagadusa.
  • geatnegasvuohta geavahit njálbmesuoji almmolaš báikkiin, gos ii leat vejolaš doallat unnimustá mehtera gaskka earáide.
  • geatnegahttit bargat ruovttukantuvrras go lea vejolaš.
  • geatnegahttit giddet hárjehallanguovddážiid, bingo- ja vuojadanhállaid doaimmaid.

 

Illustrasjonsbilde informasjon

Illustrasjonsbilde informasjon

Sist oppdatert 19. januar 2021
Språk Norsk - NorwegianSpråk Sami - Samisk