Duogážin dása lea ahte eai nu oallugat mátkkoš oktasašjohtolagaid mielde ja eatnasiin lea sierra kantuvrrat gos barget, dan dihte ii leat nu stuora riska njoammuduvvot virusii. Guossit galget maid šiehttat áiggi ja čoahkkimat galget leat sierra kantuvrrain. Eanáš suohkana virgesajiin leat juo restrikšuvnnat gussiide.

Válmmasvuođajođihangoddi lea muhtin bargoviidodagas mearridan ahte galgá ásahuvvot ruovttukantuvra nugo čázi ja duolvačázi sektoris mii lea servodaga doaibmama dáfus kritihkalaš suorgi. Maiddai Giellasiiddas gos lágiduvvo sámegieloahpahus allaskuvlla/universitehta dásis sáhttá ásahit ruovttukantuvrra go studeanttaide lea vejolašvuohta čuovvut oahpahusa digitálalaččat. Mii árvvoštallat ahte lea go maiddai sidjiide geat mátkkoštit oktasašjohtolagaid mielde (fearga) vejolašvuohta muhtumin bargat ruovttokantuvrrain. Mii maid árvvoštallat lea go vejolaš sidjiide geat barget oktasaškantuvrrain bargat ruovttus goit ođđajagimánu 17.b. rádjai.