Siskkit Gáivuona oahpaheddjiid lagasoktavuođas lei negatiiva iskkus, dát mearkkaša sii eai šat dárbbaš leat erremis. Dán oktavuođas ii dárbbaš álggahit ođđa doaibmabijuid iige iskat eanet.
Háliidan geavahit dán dáhpáhusa ovdamearkan man jođánit dilli rievdá, dán oktavuođas guoskkai dáhpáhus olles skuvlii.
Mii leat lihkkos nagodan eastadit njoammuma Gáivuonas. Aviissain lohket omd. ahte “Golbmačuođi erremis Romssa skuvllas”, dahje “Njoammun Hársttás, duhát erremis”
Buohkat sáhttet veahkehit unnidit riska njoammuduvvot ja buohccát čuovvumis moadde vuđolaš njuolggadusa:
- Ale mana gosage jus leat buohcci
- Doala buori gaskka earáide
- Basa gieđaid dávjá
Jus unnida lagasoktavuođaid ovtta vahkku, de veahkeha gáržžidit viidodaga njoammumis.
Lagasoktavuođat leat:
- Buohkat dállodoalus
- Fysalaš oktavuođat, buorástahttin lea doarvái
- Lea leamaš lagabui go 2 mehtera guhkit go 15 minuhta
- Eará vejolaš dáhpáhusain nugo guhkes čoahkkimis baskkes lanjas vaikko doallá gaskka.
Jus leat definerejuvvon lagasoktavuohtan maŋimus 48 diimmu ovdal go nubbi buohccái, dahje lei positiivva iskkus, de galggat erremii. Jus buohkat jerret “lean go mun soapmása lagasoktavuohta dál?” ja unnidit daid jus lea vejolaš, de leat mielde gáržžideame njoammuma😊
Boahtte vahku bohtet dieđut, rávvagat ja doaibmabijut beassážiidda. Norga lea bissehan boahkuheami Astra Zeneca nammasaš boahkuin, eanet dieđut bohtet boahtte vahku. Gáivuonas boahkuhit boarrásepmosiid Pfizer nammasaš boahkuin nu go ovdal, ja bargu boahkuhit sin badjel 75 jagi joatkašuvvá maid.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
