Trafihkkačuovgamodealla mánáidgárddiin ja skuvllain
Miessemánu 27.b.rájes sáhttet báikkálaččat árvvoštallat galget go mánáidgárddit ja skuvllat báikkiin gos lea duođaštuvvon unnán njoammun mannat ruovttuluotta ruoná dássái trafihkkačuovgamodeallas.
Go lea duođaštuvvon nu olu covid-19 njoammun Hámmerfeasttas, de lea gearggusvuođajođiheapmi árvvoštallan ášši, ja mearridan ahte mánáidgárddit ja skuvllat galget dollojuvvot fiskes dásis geassemánu 1.b.2021 rádjai.
Ášši digaštallojuvvui fas ođđasit čoahkkimis geassemánu 1.b. ja mearriduvvui ahte skuvllat ja mánáidgárddit sáhttet leat ruoná dásis ovddasguvlui.
Astoáiggedoaimmat
Dál sáhttet 20 olbmo searvat organiserejuvvon olgodoaimmaide siste ja 30 olbmo olgun.
Lea vejolaš máŋgga joavkkuide leat aktiivvalaččat seammá áigge nu guhká go leat sierra kohorttain.
Lágideamit
Dál sáhttet maiddai eanet olbmot searvat lágidemiide, ja sirrejuvvo almmolaš ja priváhta lágidemiid gaskka. Leat olu jearaldagat omd. konfirmašuvnnaid, riegádanbeivviid ja heajaid birra, ráđđehus lea defineren dáid priváhta lágideapmin.
- Lágideamit mánáide vuollel 20 jagi eret seammá suohkanis: lagabui 100 oasseváldit lágidemiin siste
- Almmolaš lágideamit siste
- Lohku lassána 10 oasseváldiin 50 oasseváldiide báikkiin gos eai leat gitta bistevaš saji
- Lohku lassána 100 oasseváldiin 200 oasseváldiide báikkiin gos leat gitta bistevaš saji
- Almmolaš lágideamit olgun
- Jus eai leat gitta bistevaš saji, de sáhttet 200 oasseváldit searvat lágidemiide
- Jus leat gitta bistevaš saji, de sáhttet 600 oasseváldit searvat lágidemiide
- Priváhta lágideamit nu go konfirmašuvnnat, heajat ja riegádanbeaivvit
- Lohku lassána 10 oasseváldiin 20 oasseváldiide lágidemiin siste
- Lohku lassána 20 oasseváldiin 30 oasseváldiide lágidemiin olgun
- Ávžžuhuvvo ahte eai leat eanet go 10 guossi ruovttuin jus ii sáhte doallát mehter gaskka. Sii geat leat ožžon guokte boahkuheami dosa eai galgga rehkenastojuvvot dása.
Mátkkošteamit riikka siskkobealde
Dál sáhttá mátkkoštit riikka siskkobealde, muhto lea dehálaš plánet mátkki nu ahte minimere riska fievrridit njoammuma báikkiid gaskka. Lea erenomáš dehálaš váruhit dán jus mátkkošta báikkiide gos lea garra njoammundeaddu.
Ávžžuhuvvo ain ahte ii mátkkoš olgoriikii
Alkohola guossoheapmi
Dál sáhttá luoitit gussiid olgobáikkiide ja guossohit alkohola gaskaidjii.
Ii dárbbaš šat guossuhit biepmo ovttas alkoholain.
Guossit fertejit ain doalahit mehter gaskka earáide ja alkohola ferte buktojuvvot bevddiide
Kapasiteahtta váldit iskosiid- eanet dieđut
Go njoammunlohku sisriikkalaččat njiedjá, de lea duorastaga miessemánu 27.b.2021 rájes mearriduvvon addit vejolašvuođa váldit vel ovtta veaddjáheami lávkki.
Seammás leat duođaštuvvon olu njoammumat eará báikkiin Norggas, muhto dán galget báikkálaččat gieđahallat.
Dál lea duođaštuvvon njoammun mas ii leat kontrolla Hámmerfeasttas, vurdojuvvo ahte njoammunlohku lassána. Njoammun mii lea Hámmerfeasttas duođaštuvvon surggiida maid eará suohkaniidda Romssas ja Finnmárkkus nugo Áltái ja Tromsii.
Mánnodaga miessemánu 24.b ledje suohkaniid váldodoaktárat, stáhtahálddašeaddji, Álbmotdearvvašvuođainstituhtta ja suohkaniid gearggusvuođajođiheamit regiovnnalaš digitála čoahkkimis. Doppe mearriduvvui ahte eai gálgga ásahit oktasaš regiovnnalaš njoammuneastadeami doaibmabijuid. Dát sáhttá rievdat jus njoammunlohku lassána dahje ođđa njoammun duođaštuvvo eará suohkaniin.
Ráđđehusa neahttasiidduin leat álo ođasmáhttojuvvon dieđut gustojeaddji njuolggadusaid birra
Doaktárkantuvrras lea buorre kapasiteahtta váldit iskosiid. Hámmerfeasttas eai nagodan duođaštit njoammuma ovdal go lei mannan moadde vahku, dalle beasai koronavirusnjoammun leavvat eará suohkaniidda Romssas ja Finnmárkkus. Dán háliidit geahččalit garvit Gáivuonas, nu ahte ávžžuhuvvo ahte buohkain geain leat vuoiŋŋahatvuolšši dávdamearkkat váldet oktavuođa vai besset iskosa váldit.
Telefovdnanummár doaktárkantuvrii: 777 19 320
Telefovdnanummár iskkusklinihkkii: 415 76 543
Ustitlaš dearvvuođaiguin
Anita Monsen Pedersen
Gáivuona suohkana váldodoavttir