Vahkku 27, 28 ja 29 oažžu Gáivuona suohkan dušše sullii beali vurdojuvvon dosaid. Dát mearkkaša ahte ii leat vejolaš buohkaide geat leat ožžon diimmu dáid vahkuid boahkuhuvvot.
Suohkan bargá garrasit vai garvit ahte diimmut fertejit sirdojuvvot, muhto soaitá leamen nu ahte soapmásat aŋkke ožžot dieđu dan birra. Go dilli lea nu mot lea, de ii leat vejolaš diŋgot diimmuid boahkuheapmái suoidnemánus go dosat eai leat olámuttus.
Norgii sáddejuvvojit 900 000 unnit dosat Pfizer nammasaš boahkuin go álggus rehkenastojuvvon, muhto bohtet maid dieđut ahte bohtet 600 000 eanet dosat Moderna nammasaš boahkuin. Gáivuona suohkan ii leat vel ožžon dieđu bohtet go eanet dosat deike, muhto sávvamis šaddá nu. Moderna ja Pfizer leat huksejuvvon sullii seammá prinsihpaid mielde ja doibmet sullii seammá ládje.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
