Jus du dállodoalus lea duođaštuvvon koronavirusnjoammun

Leat boahtán ođđa njuolggadusat jus lea lagasoktavuohta soapmásii iežas dállodoalus. Doavttirkantuvra fállá nuvttá ruovttuiskosiid dállodoaluide gos lea duođaštuvvon koronavirusnjoammun.  

Váldde oktavuođa doavttirkantuvrrain kontoráiggis jus dárbbašat ruovttuiskosiid. Rehkenastojuvvo dan mielde man gallis orrot dállodoalus, man galle beivviid dárbbaša iskosiid, ja maiddai leat go orrut boahkuhuvvon vai eai.

Jus it leat boahkuhuvvon: Jus leat badjel 18 jagi, de lea geatnegasvuohta iskojuvvot jus soames dállodoalus lea duođaštuvvon njoammuduvvon.

Sáhtát juogu iskojuvvot beaivválaččat ruovttuiskosiin, dahje iskojuvvot PCR iskosiin juohke nuppi beaivvi doavttirkantuvrras. Geatnegasvuohta gusto 7 beaivvi maŋimus lagasoktavuođa rájes.

Mánáide ja nuoraide vuollel 18 jagi ii leat geatnegasvuohta iskojuvvot, muhto rávvejuvvo ahte sii maid dahket dan.

Jus lea ollásit boahkuhuvvon, ožžon ovtta dosa, dahje njoammuduvvon maŋimus jagi:

Buot dállodoalu orrut dahje moarsit/irggit/olbmát, rávvejuvvot iskojuvvot ovttain iskosiin go son gii lea duođaštuvvon njoammuduvvon lea mannan isolašuvdnii. Rávvejuvvo maid ahte iskojuvvo ovttain iskosiin čieža beaivvi siskkobealde, sullii gaskkal 3-5 beaivvi dán rájes go lei lagasoktavuođas. 

  • Buot dállodoalu orrut galggašit doalahit leat ruovttus dassážii go leat iskojuvvon vuosttáš iskosiin.
  • Sáhtát eallit nugo dábálaččat jus lea negatiivva iskkus.
  • Mánát ja boahkuhuvvon rávisolbmot sáhttit válljet ahte eai iskojuvvo, muhto dalle fertejit vuordit 7 beaivvi ovdal go sáhttit leat ovttas earáiguin. Jus rávisolbmot eai leat boahkuhuvvon, de fertejit iskojuvvot.
  • Čuovu mielde iežat healssus 10 beaivvi ovddit lagasoktavuođa rájes. Jus ovddidat covid-19 dávdamearkkaid, de galggašit iskojuvvot beroškeahttá leat go boahkuhuvvon vai it. Galggat maid bissut ruovttus.
  • Jus positiivva iskkus duođaštuvvo, de fertet mannat isolašuvdnii, rávvejuvvo ahte iskojuvvot PCR iskosiin.

Mii geavvá jus lea positiivva iskkus?

Dalle lea árvideamis korona. Rávvejuvvo iskojuvvot PCR iskosiin go addá sihkkareamos vástádusa. Sáhttá iskojuvvot PCR iskosiin juohke árgabeaivvi dii. 10.30.

Jus háliidat registreret positiivva ruovttoiskosa:

Kontoráiggis: Riŋge 77719320 dahje 41576543

Kontoráiggi olggobealde: (telefovdna ii leat rabas ovdal boahtte árgabeaivvi).

Sádde SMS dieđu nummárii 415 76 543 mas lea namma ja riegádandáhton.

     

Sáhtát čállit dieđu jus leat jearaldagat ja háliidat ahte mii galgat riŋget dutnje. Dalle riŋgejit fas boahtte árgabeaivvi.

Lea maiddai vejolaš diŋgot diimmu SMS bokte jus háliidat iskojuvvot PCR iskosiin. Dalle sáhtát iskojuvvot iskanklinihkas boahtte árgabeaivvi dii. 10.30.

Omd. “namma, r. Xx.xx.xx lea positiivva iskkus. Ringes munnje fas. Háliidan diŋgot iskosa mánnodahkii”.

Ustitlaš dearvvuođaiguin

Anita Monsen Pedersen                                                                                        
Gáivuona suohkana váldodoavttir