Stáhtalaš ja priváhta gusa ja gáiccamielkki mielkeeari oastima ovddas juolluduvvo doarjja. Doarjja juolluduvvo gitta 4 ruvnnu rádjái juohke lihttaris. Man olu ruđat leat olámuttus mearridit máksomeari. Jus diimmá oastin galgá gokčojuvvot, de lea ohcanáigemearri cuoŋománo 30.beaivvi 2023. Oktasaš ohcanmeannudeapmi álgá maŋŋel áigemeari. Sádde ohcamuša deike: regionalforvaltning.no
Bija čuovvovaš dokumeanttaid mielddusin:
- Reive mas duođaštuvvo ahte mielkeeari oastin lea dohkkehuvvon / reive mas lea mielkeeari oastima šiehtadus
- Kopiija rehkegis
- Guitte máksima ovddas
Jus mielkeearri vuvdojuvvo ovdal go lea mannan vihtta jagi, de sáhttá Gáivuona suohkan gáibidit ahte bealle dahje olles doarjja máksojuvvo ruovttoluotta. Son gii oažžu doarjaga galgá váldit oktavuođa suohkaniin ovdal go rievdada / vuovdá mielkeeari dán áigemeari siskkobealde (vrd. ealáhusfoandda geavaheami prinsihpaid ja njuolggadusaid).
