Dearvvasvuođasiiddas lea maid drop-in boahkuheapmi, nappo sáhtát fitnat doppe vaikko it leat ovddalgihtii diŋgon diimmu. Gusto dáhtonii juovlamánu 9.b áigodagas 09.00-13.00
Geat besset boahkuhuvvot:
- Buohkat badjel 12 jagi geat eai leat boahkuhuvvon
- Buohkat badjel 15 jagi geain lea leamaš korona ožžot ruoná koronapássa jus váldet ovtta dosa unnimustá golbma vahku maŋŋel go njoammun duođaštuvvui.
- Buohkat badjel 65 jagi besset boahkuhuvvot 3. dosain, ferte leat mannan unnimustá 5 mánu 2. dosa rájes
- Buot dearvvasvuođabargit besset boahkuhuvvot 3.dosain, ferte leat mannan unnimustá 6 mánu 2. dosa rájes
- Buohkat badjel 45 jagi besset boahkuhuvvot 3.dosain, ferte leat mannan unnimustá 6 mánu 2. dosa rájes
- Buohkat gaskkal 18 ja 44 jagi geain leat vuollásaš dávddat besset boahkuhuvvot 3.dosain, ferte leat mannan unnimustá 6 mánu 2. dosa rájes
-
- Orgánatransplantašuvdna
- Immunváili
- Varrii gullevaš borasdávda maŋimuš vihtta jagi
- Eará aktiivvalaš borasdávda, borasdávdda divššu vuolde dahje easka loahpahuvvon dikšu (erenomážit jus lea immunváidudan dikšu dego suonjardahttin dahje seallamirku)
- Nevrologálašvihki dahje deahkkevihki mii buktá heajut gossan fámu ja heajut geahppádoaibma (omd. ALS, cerebral parese)
- Downs syndrom
- Kronalaš monimušvihki dahje fuomášahtti heajut monimušdoaibma
- Kronalaš vuoivvasvihki dahje fuomášahtti heajut vuoivvasdoaibma
- Immunaváidodeaddji dálkkodeapmi
- Sohkardávda
- Kronalaš geahpesvihki ja duođalaš ástmá mii lea dagahan ahte maŋimus jagiid lea ferten geavahit alladosa sisavuoigŋan stereoidaid, dahje stereoidatableahtaid.
- Buoidivuohta, čoahkkisvuođamihttu (BMI/KMI) badjel ≥ 35 kg/m2
- Demeansa
- Kronalaš váibmu- ja varrasuotnavihki (alla varradeaddu ii gula dása)
- Vuoiŋŋaščaskkástat
Ustitlaš dearvvuođaiguin
Anita Monsen Pedersen
Gáivuona suohkana váldodoavttir