Dál lea koronavirus leavvan Hámmárfestii ja eai dieđe man galle olbmot leat njoammuduvvon. Virus lea maid leavvan Áltái ja Kárášjohkii.
Vuosttáš olmmoš geasa lea duođaštuvvon njoammun lei dušše leamaš Hámmerfeasttas, muhto sus lei leamaš sosiála oktavuohta earáiguin. Lea váttis diehtit mot virus lea leavvan Hámmerfestii. Virusa leavvan dagaha ahte sisriikkalaš njoammunlohku lassána ja sáhttá dagahit ahte ádjána vel guhkit ovdalgo ráđđehus sáhttá geahpidit doaibmabijuid.
Dát lea muittuhus buohkaide ahte ain eallit pandemiija vuolde.
Dál manná geasi guvlui ja oaidnit loahpa pandemiijas go eatnasat ja eatnasat boahkuhuvvojit, olbmot leat maid eambbo sosiála oktavuođas earáiguin go ovdal ja eará arenain maid.
Dan dihte lea dehálaš ahte čuovvu sisriikkalaš doaibmabijuid ja njuolggadusaid:
- Ala mana gosage jus leat buohcci, maiddai jus lea dušše veahá nuorvu ja ii leat feber. Dát sáhttá njoammut earáide ja dagaha ahte šaddá eahpesihkarvuohta lea go covid-19 vai ii. Dagaha maid ahte olbmot šaddet dieđihit iežaset buohccin.
- Doala gaskka earáide, mađi lagabut lea earáid dađi álkibut sáhttá njoammut earáid.
- Doala buori giehtabuhtisvuođa
- Várut ahte it leat lagasoktavuohta nu olu olbmuiguin. Lagasoktavuođat leat earát seammá dállodoalus, earát geaiguin leat leamaš ovttas lagabui go 2 mehtera eanet go 15 minuhta.
Jus dus leat vuoiŋŋahatvuolšši dávdamearkkat nugo čottabávččas, gosahat, feber jna. mana váldit iskosa vaikko leat dušše leamaš Gáivuonas, dáinna lágiin nagodit doalahit kontrolla njoammumis.
Ustitlaš dearvvuođaiguin
Anita Monsen Pedersen
Gáivuona suohkana váldodoavttir
