Kultursuohkan | fápmosuohkan | eanadoallosuohkan
Gáivuona suohkan lea Davvi-Romssas ja dáppe orrot sullii 2000 olbmo. Suohkan lea Ivguvuona beaivvi bealde ja ollá gitta suoma ráji rádjái. Min luhtte beasat vásihit magihkalaš sevdnjes áiggi ja guovssahasa libardemiin almmis ja čuvges gaskaijabeaivvi čuvges geasseijain.
Mii leat rámis kulturguoddit ja sámegiela ja kvenagiela kultuvrra ja árbevieruid gaskkusteaddjit. Mii leat maiddai mielde sámegiela hálddašanguovllus, gos sámegiella ja dárogiella leat ovttaárvosaš gielat. Gáivuonas lea oanehis gaska čiekŋalis vuonaid, ceakkus váriid, siseatnama ja rittu gaskka. Dáppe mii láhčit dii nu ahte orrut besset ávkkástallat girjás ealáhuseallima vejolašvuođaid mat sisttisdollet eanadoalu, turismma, luonddudoalu, guolásteami, guollebiebmama ja ráhkadusdoaimmaid.
Mii leat okta álbmot mas leat golbma kultuvrra: norgalaččat, sápmelaččat, ja kvenat. Mii trivestuvvot sihke váris skohteriiguin ja sabehiiguin, vuonas guollebivdduin ja meahcis čoaggimiin. Min rikkis kultureallima dovdomearkkat leat báikkálaš árbevierut ja riikkaidgaskasaš fuomášupmi. Vii čoagganit guollebivdofestiválii, dortefestiválii, eamiálbmotfestiválii, gáfedagas, pubbas ja giliviesuin. Min nanu čanastagat Davvi-Romssa ja Davvi-Suoma ránnjážiidda addá midjiide erenomáš oktavuođa.
Dál háliidit ahte don galggat šaddat okta mis.
