Stáhtalaš ja priváhta gusa ja gáiccamielkki mielkeeriid oastimii juolluduvvo doarjja. Doarjja juolluduvvo gitta 4 ruvnnu rádjái juohke lihttaris. Man olu ruđat leat olámuttus mearridit máksomeari.
Dál lea vejolaš Gáivuona suohkana mielkeboanddaide ohcat doarjaga mielkeeriid oastimii. Jagi 2023 ohcamuš galgá sáddejuvvot sisa regionalforvaltning.no nammasaš neahttasiiddu bokte. Čuovvovaš dieđut galget leat mielddusin ohcamušas: Vearrodieđut mat eai leat boarráseabbo go 6 mánu, maŋimus jagi livnnet/ ealáhusdoaibma ja duođaštus mii čájeha man ollu earri lea ostojuvvon.
Áššemeannudeapmi lea jotkkolaš, ja ohcanáigemearri lea golggotmánu 31.b.2023. Suohkana ealáhusfoanddas lea oktasaš áigemearri doarjaga/loanaid ohcamis.
